MNP ၊ မတ် ၃၀
ရခိုင်ပြည်နယ် ၊ အမ်းခရိုင်၊ အမ်းမြို့နယ်၌ သာသနာရေးနှင့်ယဉ် ကျေးမှုဝန်ကြီးဌာန ၊ သာသနာရေးဦးစီးဌာနကကြီးမှူး၍ ပါဠိပထမပြန်စာမေးပွဲ တတိ ယနေ့ကို မြတ်စွယ်တော်ဓမ္မာရုံ၌ ယနေ့နေ့လယ်(၁၂)နာရီအချိန်မှ ညနေ (၃)နာရီအထိ ကျင်းပလျက်ရှိသည်။
ပါဠိပထမပြန်စာမေးပွဲကို သံဃာ/လူ ပထမကြီးတန်း (၄)ပါး၊ ပထမလတ်တန်း(၃)ပါး၊ပထမငယ်တန်း(၄)ပါး၊အခြေပြုမူလတန်း(၁၂)ပါး ရှိသည့်အနက်တတိယနေ့ အဘိဓမ္မတ္ထသင်္ဂဟဘာသာအား သံဃာ/လူ(၂၀)ပါးဖြေဆိုခဲ့ပြီး ပျက်ကွက် (၃)ပါးရှိကြောင်း မြို့နယ်သာသနာရေးဦးစီးဌာနမှသိရသည်။
ပါဠိပထမပြန်စာမေးပွဲဖြေဆိုရာ တွင် အဆင်ပြေစေရန်အတွက် ခရိုင်စီမံအုပ် ချုပ်ရေးအဖွဲ့ ဥက္ကဌ ဦးအောင်ဇော်ထက်နှင့်အဖွဲ့ဝင်များ၊ မြို့နယ်စီမံအုပ်ချုပ်ရေးအဖွဲ့ ဥက္ကဌ ဦးစိုးမင်းထက်နှင့် အဖွဲ့ဝင်များ၊ခရိုင်/မြို့နယ်အဆင့်ဌာနဆိုင် ရာတာဝန်ရှိသူများ၊ ရပ်ကွက်ကျေးရွာအုပ်ချုပ်ရေးမှူးများနှင့်အလှူရှင်များက ဆွမ်းဘောဇဉ်အဟာရများလှူဒါန်းလျက်ရှိကြောင်းသိရှိရသည်။
စိုးမင်းထွန်း
https://t.me/MyanmarNationalPost
No comments:
Post a Comment