MNP ၊ မတ် ၃၀
ရခိုင်ပြည်နယ်၊ ရမ်းဗြဲမြို့၌ ၂၀၂၂ ခုနှစ်အစိုးရပါဠိပထမပြန်စာမေးပွဲကိုအောင်မြင်တော်မူကြသော သာမဏေများအားစာအောင်ဆုနှင့်ဂုဏ်ပြုချီးမြှင့်သည့်စူဠဘွဲ့နှင်းသဘင်အခမ်းအနားကို ယနေ့နံနက် ၈ နာရီက ရမ်းဗြဲမြို့၊အထွေထွေအုပ်ချုပ်ရေးဦးစီးဌာန၊ ရမ္မာဝတီခန်းမ၌ကျင်းပကြရာ အခမ်းအနားသို့ မြို့နယ်သံဃနာယက ဥက္ကဌဆရာေတာ်နှင့် စာမေးပွဲကြီးကြပ်ဆရာတော်များ၊မြို့နယ်စီမံအုပ်ချုပ်ရေးအဖွဲ့ ဥက္ကဌနှင့်အဖွဲ့ဝင်များဌာနဆိုင်ရာများလူမှုရေးအသင်းအဖွဲ့များတက်ရောက်ကြသည်။
အခမ်းအနားကို တက်ရောက်လာကြသောဆရာတော်များနှင့်ပရိတ်သတ်များမှ နမောတဿသုံးကြိမ်ရွတ်ဆိုဘုရားကန်တော့ပြီးဖွင့်လှစ်ပေးကြသည်။
ယင်းနောက်တက်ရောက်လာသူများမှ ဥက္ကဌဆရာတော်ဘုရားကြီးထံမှငါးပါးသီလခံယူဆောက်တည်ကြသည်၊ ဆက်လက်ပြီးမြို့နယ်စီမံအုပ်ချုပ်ရေးအဖွဲ့ ဥက္ကဌ ဦးခင်မောင်သန်းမှ မြို့နယ်၏သာသနာရေးဆိုင်ရာများကိုလျှောက်ထားပြီးနောက် ဥက္ကဌဆရာတော်ဘုရားကြီးထံမှဩဝါဒခံယူကြသည်။၎င်းနောက် ၂၀၂၂ ခုနှစ်ကပါဠိပထမပြန်စာမေးပွဲတွင်အောင်မြင်တော်မူကြသော အခြေုမူလတန်း၌ (၇)ပါးနှင့်ပထမလတ်တန်းကိုအောင်မြင်တော်မူသော သာမဏေ(၇)ပါးတို့ကို မြို့နယ်စီမံအုပ်ချုပ်ရေးအဖွဲ့ဥက္ကဌနှင့်အဖွဲ့ဝင်များဌာနဆိုင်ရာများမှ စာအောင်လက်မှတ်နှင့်ဂုဏ်ပြုဆုများချီးမြှင့်ပေးကြသည်။
ဆက်လက်ပြီး ဥက္ကဌဆရာတော်ဘုရားကြီးက လှူဒါန်းမှုအစုစုတိုအတွက် ရေစက်သွန်းချအမျှပေးဝေပြီးနောက် အခမ်းအနားကို ဗုဒ္ဓသာသနံစိရံတိဌတုသုံးကြိမ်ရွတ်ဆို၍ ရုတ်သိမ်းပေးခဲ့ကြကြောင်းသိရ
သည်။
အောင်နိုင်
https://t.me/MyanmarNationalPost
No comments:
Post a Comment