ရုရှား-တရုတ် ပူးပေါင်းဆောင်ရွက်မှုသည် အနောက်အုပ်စုကို ခြိမ်းခြောက်ခြင်းမဟုတ်ကြောင်း သမ္မတပူတင် အခိုင်အမာပြောကြား

မော်စကို၊ မတ် ၂၆

ရုရှားနှင့် တရုတ်တို့သည် စစ်ရေးအပါအဝင် ပူးပေါင်းဆောင်ရွက်မှုကို ဖော်ဆောင်နေကြသော်လည်း ၎င်းသည် စစ်ရေးမဟာမိတ်မဟုတ်ကြောင်း ရုရှားသမ္မတ ဗလာဒီမာပူတင်က တနင်္ဂနွေနေ့တွင် အလေးပေးပြောကြားခဲ့သည်။

မော်စကိုနှင့် ပေကျင်းကြား ပူးပေါင်းဆောင်ရွက်မှုသည် အနောက်နိုင်ငံကို ခြိမ်းခြောက်မှု ရှိ၊ မရှိ မေးမြန်းသောအခါ သမ္မတက Rossiya-24 ရုပ်သံလိုင်းနှင့် တွေ့ဆုံမေးမြန်းခန်းတွင် “ဒါ လုံးဝမမှန်ပါဘူး” ဟု ပြောကြားခဲ့သည်။

"ကျွန်တော်တို့က တရုတ်နဲ့ စစ်ရေးမဟာမိတ်ဖွဲ့တာ မဟုတ်ပါဘူး။ စစ်ရေးနည်းပညာ ပူးပေါင်းဆောင်ရွက်မှုလမ်းကြောင်းမှာ ကျွန်တော်တို့လည်း ပူးပေါင်းဆောင်ရွက်တယ်၊ အဲဒါကို ဖုံးကွယ်မထားဘူး၊ ပွင့်လင်းမြင်သာတယ်၊ အဲဒီမှာ လျှို့ဝှက်ချက် ဘာမှမရှိဘူး" ဟု ပူတင်က ပြောကြားခဲ့သည်။

၎င်း၏အဆိုအရ မော်စကိုသည် ပူးတွဲစစ်ရေးလေ့ကျင့်မှုအပါအဝင် ပေကျင်းနှင့် စစ်ရေးပူးပေါင်းဆောင်ရွက်မှုကို ဖော်ဆောင်လျက်ရှိသည်။ "စကားမစပ်၊ တရုတ်နဲ့တင်မကဘဲ တခြားနိုင်ငံတွေနဲ့လည်း အတူတူပါပဲ။ Donbass၊ Zaporozhye နဲ့ Kherson မှာ တိုးတက်မှုတွေရှိနေတယ်။ အခုလည်း ဆက်လုပ်နေပါသေးတယ်။ အားလုံးက ပွင့်လင်းမြင်သာမှုရှိတယ်။ စစ်ရေးမဟာမိတ်တော့ မဟုတ်ဘူး" ဟု သမ္မတပူတင် က ပြောကြားခဲ့သည်။

Ref - Tass

#MyanmarNationalPost