MNP ၊ မတ် ၂၉
ပဲခူးတိုင်းဒေသကြီး တောင်ငူခရိုင် ရေတာရှည်မြို့နယ်တွင် သာသနာရေးနှင့်ယဉ်ကျေးမှုဝန်ကြီးဌာန၊ သာသနာရေးဦးစီးဌာနမှ ကြီးမှူးကျင်းပသော ၂၀၂၃ခုနှစ်၊ နိုင်ငံတော် အစိုးရပါဠိပထမပြန်စာမေးပွဲကို သမိုင်းဝင်ဓါတ်တော်ဘုရား ဓမ္မာရုံ၌ ယနေ့ နေ့လယ် ၁၂ နာရီ အချိန်တွင် စတင်ကျင်းပခဲ့သည်။
အဆိုပါ ပါဠိပထမပြန်စာမေးပွဲကို မတ်လ ၂၈ ရက်နေ့မှ ဧပြီလ ၃ ရက်နေ့အထိ ကျင်းပ ဆောင်ရွက်မည်ဖြစ်ပြီး အေးချမ်းစွာဖြေဆိုနိုင်ရေးအတွက် မြို့နယ်သံဃာ့နာယကအဖွဲ့ဥက္ကဋ္ဌနှင့်အဖွဲ့ဝင်များ၊ အကျိုးဆောင် ဆရာတော်ကြီးများ၊ စာမေးပွဲကြီးကြပ်ရေးအဖွဲ့များ၊ မြို့နယ်စီမံအုပ်ချုပ်ရေးအဖွဲ့နှင့် သက်ဆိုင်ရာ တာဝန်ရှိသူများက ကြီးကြပ်ဆောင်ရွက်ကာ ပထမကြီးတန်းတွင် စာရင်းရှိ (၁၇)ပါး၊ ဖြေဆို(၁၅)ပါး၊ ပထမလတ်တန်းတွင် စာရင်းရှိ(၁၄)ပါး ၊ ဖြေဆို (၈)ပါး၊ ပထမငယ်တန်းတွင် စာရင်းရှိ(၃၅) ပါး ၊ ဖြေဆို(၃၁)ပါးနှင့် အခြေပြုမူလတန်းတွင် စာရင်းရှိ(၂၉) ပါး၊ ဖြေဆို(၂၆)ပါး၊ စုစုပေါင်း စာရင်းရှိ(၉၅)ပါးတွင် ဖြေဆိုသူ ရဟန်းသံဃာနှင့် သီလရှင် (၈၀)ပါး ရှိကြောင်းသိရသည်။
စာမေးပွဲကျင်းပနေစဉ်ကာလအတွင်း စာမေးပွဲကြီးကြပ်ရေးဆရာတော်များနှင့် စာဖြေသံဃာများအတွက် ဆွမ်း၊ ဝေယျာဝစ္စအဝဝတို့ကို ဌာနဆိုင်ရာများ၊ အလှူရှင် ဒါယကာ၊ ဒါယကာမများက နေ့စဉ်လှူဒါန်း ဆောင်ရွက်ပေးလျက်ရှိကြောင်း သိရသည်။
https://t.me/MyanmarNationalPost
No comments:
Post a Comment