MNP - မတ် ၃
ပဲခူးတိုင်းဒေသကြီး ရေတာရှည်မြို့နယ်တွင် တောင်ငူခရိုင် အိမ်တွင်းမှုသက်မွေးလုပ်ငန်းပညာသင်ကျောင်းက ကျင်းပပြုလုပ်သည့် ရပ်ရွာအခြေပြု အမျိုးသမီးဝတ်(အခြေခံ) အပ်ချုပ်သင်တန်းဆင်းပွဲ အခမ်းအနားကို ယနေ့ နံနက် ၁ဝ နာရီအချိန်တွင် မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန လူထုအခြေပြုဗဟိုဌာန Community Centre ခန်းမ၌ ကျင်းပပြုလုပ်ခဲ့သည်။
အခမ်းအနားတွင် အိမ်တွင်းမှုသက်မွေးလုပ်ငန်းပညာသင်ကျောင်း (တောင်ငူ)မှ ကျောင်းအုပ် ဆရာမကြီး ဒေါ်ဌေးဌေးမြင့်က အမှာစကားပြောကြားခဲ့သည်။ ထို့နောက် ကျောင်းအုပ်ဆရာမကြီး ဒေါ်ဌေးဌေးမြင့်က ထူးချွန်ဆုရရှိသည့် သင်တန်းသူ မအိအိမြတ်အား အပ်ချုပ်စက်တစ်လုံးကိုလည်းကောင်း မြို့နယ်အမျိုးသမီးရေးရာအဖွဲ့ဥက္ကဋ္ဌ ဒေါ်ငုဝါကျော်က သင်တန်းတွင် ဒုတိယဆုရရှိသည့် ဒေါ်မေသူခင်ဦးအား ချိတ်အင်္ကျီဝမ်းဆက်ပိတ်စ တစ်စုံကိုလည်းကောင်း အသီးသီး ဆုချီးမြင့်ပေးအပ်ခဲ့ပြီး သင်တန်းသူ တစ်ဦးက ကျေးဇူးတင်စကား ပြန်လည်ပြောကြားခဲ့သည်။
အဆိုပါ သင်တန်းတွင် ခေါင်းစွပ်အင်္ကျီချုပ်နည်း၊ ဒေါက်ပါရင်စေ့အင်္ကျီချုပ်နည်း၊ ကော်လံဝိုင်း လက်ပြတ်အင်္ကျီ ချုပ်နည်း၊ ရင်ဖုံးအင်္ကျီ လက်ဖောင်းချုပ်နည်း၊ ချိတ်ထမီချုပ်နည်းတို့ကို ကျွမ်းကျင်ပိုင်နိုင်စွာ အပ်ချုပ်နိုင်ရန် စာတွေ့ လက်တွေ့ လေ့ကျင့်သင်ကြားပေးခဲ့ပြီး ဖေဖော်ဝါရီလ ၆ ရက်နေ့မှ မတ်လ ၃ ရက်နေ့အထိ သင်တန်းသူ ၂၅ ဦး အား အခမဲ့ သင်ကြားပေးခဲ့ကြောင်း သိရသည်။
https://t.me/MyanmarNationalPost
No comments:
Post a Comment