MNP ၊ မတ် ၁၇
မော်လမြိုင်မြို့၊ တောင်ရိုးတန်းတွင် တည်ထားကိုးကွယ်ထားသည့် သမိုင်းဝင်လေးကျွန်းသစ္စာနဂါးမောက်စေတီတော်မြတ်၏ ကုန်းတော်အနီးတွင် သာသနာအလုပ်အကျွေးပြု ရတနာဆင်တော် အဆောင်တော်အပ်ပွဲ မင်္ဂလာအခမ်းအနားကို ယမန်နေ့က သမိုင်းဝင်လေးကျွန်းသစ္စာနဂါးမောက် စေတီတော်မြတ်၏ ကုန်းတော်အနီးရတနာဆင်တော်ထားရှိနေရာ၌ ကျင်းပပြုလုပ်ရာ ပြည်နယ်ဝန်ကြီးချုပ်ဦးဇော်လင်းထွန်းပြည်နယ်အစိုးရအဖွဲ့၀င် ၀န်ကြီးများတက်ရောက်ခဲ့ကြသည်။
ရှေးဦးစွာအခမ်းအနားကို နမောတဿ သုံးကြိမ်ရွတ်ဆို ဖွင့်လှစ်ခဲ့ပြီး မြစေတီစာသင်တိုက်ကြီး၏ ဦးစီးပဓာန နာယကဆရာတော်ဝိနယပါဠိပါရဂူ(အဂ္ဂမဟာပဏ္ဍိတ) ဘဒ္ဒန္တဝိမလဗုဒ္ဓိအရှင်သူမြတ်ထံမှ ငါးပါးသီလခံယူဆောက်တည်ကာ သံဃာတော်အရှင်သူမြတ်များ ရွတ်ပွားသရဇ္ဈာယ်မူသော ပရိတ်တရားတော်များ နာယူကြည်ညိုခဲ့ကြပြီး ပြည်နယ်ဝန်ကြီးချုပ်၊ ပြည်နယ်ဝန်ကြီးများနှင့် အလှူရှင်များက ပရိတ်ရေ၊ ပရိတ်ပန်းနှင့် နံ့သာ(၉)မျိုး၊ အမွှေးနံ့သာဖလားများအား ဆက်ကပ်ခြင်း၊ ဆရာတော်၊ သံဃာတော် အရှင်သူမြတ်များ ရွတ်ပွားသရဇ္ဈာယ် ချီးမြှင့်တော်မူသော အန္တရာယ်ကင်းပရိတ်တရားတော်များ နာယူကြည်ညိုခြင်း၊ လှူဖွယ်ဝတ္ထုပစ္စည်းများဆက်ကပ်လှူဒါန်းခြင်းတို့ဆောင်ရွက်ခဲ့ကြကာ အလှူရှင်အဂ္ဂမဟာသီရိသုဓမ္မမဏိဇောတဓရဦးလှထွန်း(ငရုတ်သီးမှုန့်လုပ်ငန်း)မိသားစု ရတနာဆင်တော် အဆောင်တော်၏ လှူဒါန်းမှုအစုစုတို့အတွက် အနုမောဒနာတရားနာယူကြည်ညိုပြီး အခမ်းအနားကို ဗုဒ္ဓ သာသနံ စိရံတိဌတု သုံးကြိမ်ရွတ်ဆို၍ အခမ်းအနား ရုပ်သိမ်းခဲ့သည်။
ထို့နောက် ဆရာတော်၊ သံဃာတော် အရှင်သူမြတ်အပေါင်းတို့မှ အနန္တရာယိကကမ္မဝါစာ ဖတ်ကြားပေးခဲ့ကြပြီး ဆရာတော်၊ သံဃာတော်များဦးစီးအမှူးပြု၍ ပြည်နယ်ဝန်ကြီးချုပ်၊ ပြည်နယ်ဝန်ကြီးများ အလှူရှင်များက သာသနာအလုပ်အကျွေးပြု ရတနာဆင်တော်နှင့် အဆောင်တော်အား ပရိတ်ရေနံ့သာ(၉)မျိုး၊ အမွှေးရည်များ ပက်ဖြန်းပေးခဲ့ကြပြီး သာသနာအလုပ်အကျွေးပြု ရတနာဆင်တော်အား အစာအဟာရများကျွေးမွေးခဲ့ကြကာ ဆရာတော်၊ သံဃာတော် အရှင်သူမြတ်များအား နေ့ဆွမ်းဆက်ကပ်လှူဒါန်းခဲ့ကြသည်။
https://t.me/MyanmarNationalPost
No comments:
Post a Comment