MNP ၊ မတ် ၂၅
ရန်ကုန်တိုင်းဒေသကြီး၊ ကျောက်တံတားခရိုင်၊ ဒဂုံမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ကြီးမှူးဖွင့်လှစ်သော နွေရာသီကျောင်းပိတ်ရက်အတွင်း အခြေခံပန်းချီရေးဆွဲ နည်းသင်တန်းကို ယမန်နေ့မွန်းလွဲ (၁) နာရီက ဒဂုံမြို့နယ် Community Centre ခန်းမတွင် စတင်ဖွင့်လှစ်ခဲ့ကြောင်း သိရသည်။
အဆိုပါသင်တန်းဖွင့်ပွဲတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ဒဂုံမြို့နယ်ဦးစီးအရာရှိ ဒေါ်မေသန္တာက ကျောင်းသား၊ ကျောင်းသူများအား နွေရာသီကျောင်းပိတ်ရက်ကာလအတွင်း အချိန်ကို အကျိုးရှိစွာ အသုံးချနိုင်စေရန်၊ ပန်းချီရေးဆွဲနည်း အတတ်ပညာများကို အခြေခံမှစ၍ သိရှိထားပြီး စနစ်တကျ ရေးဆွဲတတ်စေရန်၊ ကျောင်းသား၊ ကျောင်းသူများ စာကြည့်တိုက်ကိုလာရောက်အသုံးပြုကြစေရန် စသည့်ရည်ရွယ်ချက်များဖြင့် ဖွင့်လှစ်ခဲ့ခြင်းဖြစ်ကြောင်း အဖွင့် အမှာစကား ပြောကြားခဲ့သည်။
ထို့နောက်သင်တန်းဆရာ ဦးနွဲ့မြင့်သိန်းက ကျောင်းသား/ကျောင်းသူများ နွေရာသီတွင်အကျိုးရှိသော အတတ်ပညာတစ်ခုခုကိုသင်ယူစေလိုကြောင်းနှင့် ပြန်/ဆက်ဦးစီးဌာနအနေနှင့် လူငယ်များအတွက် ယခုကဲ့သို့ သင်တန်းများဖွင့်လှစ်ပေးခြင်းအား ကျေးဇူးအထူးတင်ရှိပါကြောင်း ၊နောင်လာမည့်နှစ်များတွင်လည်း ပိုမိုတိုးခဲ့၍ သင်တန်းများ ပူးပေါင်းပို့ချဆောင်ရွက် သွားမည်ဖြစ်ပါကြောင်း ပြောကြားခဲ့ပြီး အခြေခံပန်းချီရေးဆွဲနည်းကို စတင်သင်ကြားပြသပေးခဲ့သည်။
အဆိုပါအခြေခံပန်းချီရေးဆွဲနည်းသင်တန်းကို မတ်လ(၂၃)ရက်နေ့မှ (၂၇)ရက်နေ့အထိ (၅) ရက် ကြာ နေ့စဉ် မွန်းလွဲ(၁)နာရီမှ (၃) နာရီအထိ သင်ကြားပြသပေးသွားမည်ဖြစ်ပြီး သင်တန်းသို့ သင်တန်းသား၊ သင်တန်းသူ (၁၆)ဦး တက်ရောက်သင်ကြားခဲ့ကြ၍ ပြန်ကြားရေးနှင့်ပြည်သူ့ ဆက်ဆံရေးဦးစီးဌာနမှ သင်တန်းသား၊ သင်တန်းသူများအား သင်ထောက်ကူပစ္စည်းများနှင့်အတူ အအေးနှင့်ကိတ်မုန့်အဟာရတို့ကို နေ့စဉ်ထောက်ပံ့ကျွေးမွေးသွားမည်ဖြစ်ပါကြောင်း သိရသည်။
ကြည်ဇေသော်
https://t.me/MyanmarNationalPost
No comments:
Post a Comment