MNP ၊ မတ် ၁၆
မန္တလေးခရိုင် ပြန်ကြားပြည်ရေးနှင့်ပြည်သူ့ဆက်ဆံရေးဦးစီးဌာန စာဖတ်ရှိန်မြှင့်တင်ရေး လုပ်ငန်းတစ်ရပ်အဖြစ် စာငှားဝန်ဆောင်မှုများကို စာကြည့်တိုက်တွင် ငှားရမ်းသည့်အပြင် မိုဘိုင်းစနစ်ဖြင့်လည်း ငှားရမ်းပေးလျက်ရှိရာ ယမန်နေ့နံနက် ၁၀ နာရီက မြို့နယ်လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနရုံးသို့ သွားရောက်ငှားရမ်းပေးခဲ့ကြောင်း သိရသည်။
ဝန်ထမ်းများအနေဖြင့် ရုံးပိတ်ရက်များတွင် စာပေဖတ်ရှုခြင်းဖြင့် စိတ်အပန်းဖြေနိုင်စေရန်၊ အားလပ်ချိန်တွင် အချိန်ကိုတန်ဖိုးရှိစွာ အသုံးပြုတတ်စေရန်၊ စာဖတ်ခြင်းအကျိုးကျေးဇူးများ သိရှိစေရန်နှင့် စာကြည့်တိုက်နှင့် ရင်းနှီးကျွမ်းဝင်မှုရှိစေရန်စသည့် ရည်ရွယ်ချက်များဖြင့် မိုဘိုင်းစနစ်ကို အသုံးပြု၍ စာအုပ်/စာစောင်များ ငှားရမ်းပေးခြင်းဖြစ်ပြီး သုတ/ရသစာအုပ် (၂၈၇) အုပ်ကိုငှားရမ်းပေးခဲ့ကြောင်း၊ သတ်မှတ်ထားရှိသည့်အတိုင်း စာငှားရက်ပြည့်ပါက စာအုပ်များ လဲလှယ်ငှားရမ်းပေးလျက်ရှိကြောင်း၊ အစိုးရရုံးဌာနများအပြင် ရပ်ကွက်နေပြည်သူများ လက်ဝယ်အရောက်လည်း လှည့်လည်ငှားရမ်းပေးလျက်ရှိကြောင်း သိရသည်။
https://t.me/MyanmarNationalPost
No comments:
Post a Comment