MNP ၊ ဧပြီ ၂၅
ပြည်ထောင်စုနယ်မြေ၊ နေပြည်တော်၊ ပျဉ်းမနားခရိုင်၊ ပျဉ်းမနားမြို့နယ်တွင် နွေရာသီ ကျောင်းပိတ်ကာလအတွင်း ကျောင်းသား၊ ကျောင်းသူ လူငယ်များအတွက် အကျိုးရှိစေမည့် နွေရာသီအင်္ဂလိပ်စာနှင့် ကွန်ပျူတာသင်တန်းကို ယမန်နေ့နံနက် ၁၀ နာရီအချိန်က အ.ထ.က-၁ ပျဉ်းမနား၌ စတင်ဖွင့်လှစ် သင်ကြားပေးလျက်ရှိသည်။
“ကျောင်းသား/ကျောင်းသူများ နွေရာသီကျောင်းပိတ်ရက်များတွင် အချိန်ကိုအကျိုးရှိစွာ အသုံးချ နိုင်စေရေး၊ နွေရာသီတွင် လူငယ်၊ လူရွယ်များ ပြင်ပဗဟုသုတ ရှာမှီးနိုင်ရန်အတွက် ဖွင့်လှစ် သင်ကြားပေးခြင်းဖြစ်ကြောင်း” အ.ထ.က-၁ ပျဉ်းမနားမှ ကျောင်းအုပ်ဆရာမကြီး ဒေါ်ယုယုကြည် ထံမှ သိရသည်။
အဆိုပါသင်တန်းသို့ ပျဉ်းမနားမြို့နယ်အတွင်းရှိ အခြေခံပညာကျောင်းများမှ ကျောင်းသား၊ ကျောင်းသူ ၇၅ ဦး တက်ရောက်ကြပြီး သင်တန်း ကာလကို ဧပြီလ ၂၄ ရက်နေ့မှ မေလ ၁၃ ရက်နေ့အထိ စာတွေ့လက်တွေ့ သင်ကြားပို့ချပေး သွားမည်ဖြစ်ကြောင်းသိရသည်။
မျိုးသီဟ
https://t.me/MyanmarNationalPost
No comments:
Post a Comment