MNP ၊ ဧပြီ ၂၄
ရခိုင်ပြည်နယ် မာန်အောင်မြို့နယ်၌ ကိုဗစ်-၁၉ရောဂါကာကွယ်ဆေး ပထမအကြိမ်၊ဒုတိယအကြိမ်နှင့်ထပ်ဆောင်းကာကွယ်ဆေးထိုးနှံရန် ကျန်ရှိသူများအား ကာကွယ်ဆေးထိုးနှံခြင်းကို ယနေ့ နံနက်၁၁နာရီက မြို့နယ်ပြည်သူ့ဆေးရုံ(ဟောင်း)ခန်း မတွင်ကျန်းမာရေးဌာန ဝန်ထမ်းများက ထိုးနှံပေးလျက်ရှိသည်။
ထိုသို့ ထိုးနှံပေးရာတွင် ကိုဗစ်-၁၉ ရောဂါကာကွယ်ဆေးထိုးနှံရန် လာရောက် သည့် ဌာနဆိုင်ရာ ဝန်ထမ်းများနှင့် ပြည်သူများအား ကျန်းမာရေးဌာနမှ တာဝန်ကျ ဝန်ထမ်းများက ကိုယ်အပူချိန်တိုင်းတာပေးခြင်း၊သွေးပေါင်ချိန်တိုင်းတာပေးခြင်းနှင့် စာရင်းမှတ်တမ်းရေးသွင်းကောက်ယူခြင်း များကို စနစ်တကျဆောင်ရွက်ပေးပြီး ကိုဗစ်-၁၉ရောဂါကာကွယ်ဆေးကိုထိုးနှံပေးလျက်ရှိသည်။
ယခုအခါ ကမ္ဘာ့ကျန်းမာရေးအဖွဲ့(WHO)၏ထုတ်ပြန်ချက်အရ ကိုဗစ်-၁၉ရောဂါပိုးအိုမီခရွန်မျိုးကွဲသစ်(XBB.1.16)သည်အာရှနိုင်ငံများ အပါအဝင် ကမ္ဘာ့နိုင်ငံများတွင်ပျံ့နှံ့လျက်ရှိကြောင်း၊လာမည့်သီတင်းပတ်များအတွင်းကူးစက်မှုပိုမိုများပြားလာနိုင်ကြောင်း၊ပြည်သူများအနေဖြင့် ကိုဗစ်-၁၉ရောဂါကာကွယ်ဆေးကို ထိုးနှံကြရန်လိုကြောင်း အသိပေးနှိုးဆော်ထားကြောင်းသိရသည်။
ဦးသိန်းဖေ
https://t.me/MyanmarNationalPost
No comments:
Post a Comment