MNP ၊ ဧပြီ ၂၄
ရခိုင်ပြည်နယ်၊ သံတွဲခရိုင်၊ ကျိန္တလီမြို့တွင် အသက်(၁၈)နှစ်အထက်ပြည်သူများအား ကိုဗစ်-၁၉ ရောဂါကာကွယ်ဆေးထိုးနှံခြင်းကို ယနေ့နံနက်(၉)နာရီမှ ညနေ(၄)နာရီအချိန်ထိ ပြည်သူ့ဆေးရုံတွင် ဆေးထိုးအုပ်စုအလိုက် ကျန်းမာရေးဝန်ထမ်းများက ကာကွယ်ဆေးများ ထိုးနှံပေးလျက် ရှိသည်။
ထိုသို့ ကာကွယ်ဆေးထိုးနှံရာတွင် ကိုဗစ်-၁၉ ရောဂါကာကွယ်ဆေးထိုးနှံရန်ရောက်ရှိလာသူများအား ကျန်းမာရေးဝန်ထမ်းများက ကိုယ်အပူချိန်တိုင်းတာပေးခြင်း၊ သွေးပေါင်ချိန်တိုင်းတာပေးခြင်းနှင့် စာရင်းမှတ်တမ်းရေးသွင်းခြင်းများကို စနစ်တကျဆောင်ရွက်ပေးပြီး ဒုတိယအကြိမ်နှင့် တတိယအကြိမ် ကိုဗစ်-၁၉ရောဂါကာကွယ်ဆေး ထိုးနှံရန်ကျန်ရှိနေသော အသက်(၁၈)နှစ်အထက်ပြည်သူ(၂၂)ဦးနှင့် စတုတ္ထအကြိမ်မြောက်ထိုးနှံသူ(၄၄)ဦး၊ ကိုဗစ်-၁၉ရောဂါကာကွယ်ဆေး ထိုးနှံရန်ကျန်ရှိနေသော နိုင်ငံ့ဝန်ထန်းများ တတိယအကြိမ်မြောက် (၂)ဦး၊ စတုတ္ထအကြိမ်မြောက်(၉)ဦးနှင့် ပဉ္စမအကြိမ်မြောက် ထိုးနှံသူ(၁)ဦး စုစုပေါင်း (၇၈)ဦးတို့ကို ထိုးနှံပေးခဲ့ကြောင်းသိရသည်။
ဇော်လင်း
https://t.me/MyanmarNationalPost
No comments:
Post a Comment