MNP ၊ ဧပြီ ၂၅
ရခိုင်ပြည်နယ်၊ ပုဏ္ဏားကျွန်းမြို့ (မြို့မဈေး)၌ စားသုံးကုန်ပစ္စည်းအရောင်းဆိုင်များနှင့် ဆေးဆိုင်များအား FDA မှထုတ်ပြန်ထားသည့် စားသုံးရန်မသင့်သည့်ပစ္စည်းများ သိုလှောင် ရောင်းချမှု ရှိ/မရှိ ကွင်းဆင်းစစ်ဆေးခြင်းကို ယမန်နေ့၊ ညနေ(၃)နာရီက ပုဏ္ဏားကျွန်းမြို့နယ် စားသုံးသူရေးရာဦးစီးဌာနမှ သက်ဆိုင်ရာဌာနဆိုင်ရာများနှင့်ပူးပေါင်း၍ ကွင်းဆင်းစစ်ဆေးခဲ့ ကြောင်းသိရသည်။
ထိုသို့စစ်ဆေးရာတွင် ပုဏ္ဏားကျွန်းမြို့နယ်စားသုံးသူရေးရာဦးစီးဌာနမှ မြို့နယ်ဦးစီးမှူး ဦးလှမောင်အေးက စားသုံးသူများ လုံခြုံစိတ်ချမှုရှိစေရေးအတွက် ထုတ်လုပ်မှုကုန်စည် အမျိုး အစားအလိုက် ဥပဒေပြဌာန်းချက်များနှင့် FDA မှ ထုတ်ပြန်ထားသည့် ဥပဒေ၊ နည်းဥပဒေများ
ကို ဆေးဝါးပစ္စည်းအရောင်းဆိုင်များနှင့်စားသောက်ကုန်ပစ္စည်းအရောင်းဆိုင်ပိုင်ရှင်များအား ချပြဆွေးနွေးပြောကြားခဲ့သည်။
ထိုနောက် မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးမောင်စံဝင်းနှင့်အဖွဲ့ဝင်များ၊ မြို့နယ် စည်ပင်သာယာရေးအဖွဲ့မှ တာဝန်ရှိသူများ၊ မြို့နယ်ကျန်းမာရေးဦးစီးဌာနနှင့်စားသုံးသူရေးရာ ဦးစီးဌာနမှတာဝန်ရှိသူတို့က မြို့မဈေးကြီးအတွင်း ဖွင့်လှစ်ရောင်းချလျက်ရှိသော စားသုံးကုန် ပစ္စည်းအရောင်းဆိုင်များနှင့်ဆေးဝါးပစ္စည်းများ အရောင်းဆိုင်တို့အား FDA မှ ထုတ်ပြန်ထားသည့် တရားမဝင်ကုန်စည်များ သိုလှောင်ရောင်းချခြင်း ရှိ/မရှိ တို့ကို လှည့်လည်ကွင်းဆင်း စစ်ဆေးခဲ့ကြောင်းသိရသည်။
နီထွန်းအောင်
https://t.me/MyanmarNationalPost
No comments:
Post a Comment