MNP ၊ ဧပြီ ၂၅
ရခိုင်ပြည်နယ် မာန်အောင်မြို့နယ်တွင် အသက်(၁၈)နှစ်အထက်နိုင်ငံ့ဝန်ထမ်းများနှင့် ပြည်သူများအား ကိုဗစ်-၁၉ရောဂါ ကာကွယ်ဆေး ဆက်လက် ထိုးနှံပေးခြင်းကို ယနေ့ နံနက်၁၀နာရီမှညနေ၃နာရီထိ မြို့နယ်ပြည်သူ့ဆေးရုံ(ဟောင်း)ခန်းမ၌ ကျန်းမာရေးဝန်ထမ်းများ က ထိုးနှံပေးလျက်ရှိသည်။
ထိုသို့ ထိုးနှံပေးရာတွင် ကိုဗစ်-၁၉ရောဂါကာကွယ်ဆေး ထိုးနှံရန်လာရောက်ကြသည့် နိုင်ငံ့ဝန်ထမ်းများနှင့်ပြည်သူများအား ကျန်းမာရေးဌာနမှ တာဝန်ကျ ဝန်ထမ်းများက ကိုယ်အပူချိန်တိုင်းတာပေးခြင်း၊သွေးပေါင်ချိန်တိုင်းတာပေးခြင်းနှင့် စာရင်းမှတ်တမ်းရေးသွင်းကောက်ယူခြင်း များကို စနစ်တကျဆောင်ရွက်ပေးပြီး ဒုတိယအကြိမ်ထိုးနှံပြီးသူများအား တတိယအကြိမ်အဖြစ်လည်းကောင်း၊တတိယအကြိမ်ထိုးနှံ ပြီးသူများအားစတုတ္ထအကြိမ်အဖြစ်လည်းကောင်း၊စတုတ္ထအကြိမ်ထိုးနှံပြီးသူများအားပဉ္စမအကြိမ်အဖြစ်လည်းကောင်း၊ကိုဗစ်-၁၉ရောဂါကာကွယ်ဆေး ထပ်ဆောင်းထိုးနှံပေးလျက်ရှိသည်။
မာန်အောင်မြို့နယ်တွင် ကိုဗစ်-၁၉ရောဂါကာကွယ်ဆေး ထပ်ဆောင်းထိုးနှံ ပေးလျက်ရှိရာ ယမန်နေ့က တတိယအကြိမ်အဖြစ် လာရောက် ထိုးနှံလာသူ(၁၆)ဦး၊စတုတ္ထအကြိမ်အဖြစ်ထိုးနှံလာသူ(၂၄)ဦးနှင့်ပဉ္စမအကြိမ်အဖြစ် ထိုးနှံလာသူ(၁၃၀)ဦးရှိကြောင်း မြို့နယ်ကျန်းမာရေးဦးစီးဌာနမှသိရသည်။
ဦးသိန်းဖေ
https://t.me/MyanmarNationalPost
No comments:
Post a Comment