MNP ၊ ဧပြီ ၂၅
မွန်ပြည်နယ်၊ပေါင်မြို့နယ်တွင် အခြေခံကျန်းမာရေးဝန်ထမ်းများအတွက် တီဘီရောဂါဆိုင်ရာ စီမံခန့်ခွဲမှုသင်တန်းဖွင့်လှစ်ခြင်းကို မြို့နယ်ပြည်သူ့ကျန်းမာရေးဦးစီးဌာန ၌ကျင်းပပြုလုပ်ခဲ့သည်။
ရှေးဦးစွာ မွန်ပြည်နယ်တီဘီရောဂါ နှင့်အနာကြီးရောဂါတိုက်ဖျက်ရေးဌာနမှ ဒေါက်တာထွန်းဦးက တီဘီရောဂါလူနာသစ်များ ရှာဖွေဖော်ထုတ်ရန်လည်းကောင်း၊ တီဘီဆေးသောက်နေသူများဆေးသောက်ကာလပြီးဆုံးသည်အထိစနစ်တကျတိုက်ကျွေးနိုင်ရန်လည်းကောင်း၊ဆေးယဉ်ပါးတီဘီရောဂါဖြစ်ပွားမှုလျှော့ချရန်လည်းကောင်းစသည်များ ဆွေးနွေးပို့ချခဲ့သည်။
ထို့နောက် မွန်ပြည်နယ် တီဘီရောဂါတိုက်ဖျက်ရေးဌာန အဖွဲ့ခေါင်းဆောင် ဒေါက်တာမင်းသက်လွင်က တီဘီရောဂါသည်များအားရှာဖွေပြီး ဆေးတိုက်ကျွေးရမည့်အစီအစဉ်များ၊ဆေးကိုမပျက်မကွက်နေ့စဉ်အချိန်မှန်သောက်သုံးမှ ရောဂါပျောက်ကင်းသက်သာမည်ဖြစ်ပါကြောင်း ရောဂါခံစားနေရသူများကိုလည်းအချိန်မီဆေးကုသမှုခံယူကြရန် ကျန်းမာရေးဝန်ထမ်းများက မြေပြင်ကွင်းဆင်းပြီး ဆောင်ရွက်ကြရန် လိုအပ်ပါကြောင်း သင်ကြားဆွေးနွေးခဲ့သည်။
အဆိုပါ တီဘီရောဂါဆိုင်ရာစီမံခန့်ခွဲမှုသင်တန်းကို ရပ်ကွက်/ကျေးရွာများရှိ ကျန်းမာရေးဝန်ထမ်း ( ၄၄ )ဦးတို့က ( ၂ ) ရက်ကြာသင်ကြားပြသသွားမည်ဖြစ်ပါကြောင်းသိရသည်။
https://t.me/MyanmarNationalPost
No comments:
Post a Comment