MNP ၊ ဧပြီ ၂၅
မွန်ပြည်နယ်၊ကျိုက်ထိုခရိုင်၊ကျိုက်ထိုမြို့နယ်၌ရဟန်းရှင်၊ပြည်သူများကျန်းမာရေးကောင်းမွန်စေရန်မွန်ပြည်နယ် ကျန်းမာရေးဦးစီးဌာန၏ ညွှန်ကြားမှုဖြင့် မြန်မာနှစ်သစ်အထိမ်းအမှတ် ကွန်ပျူတာဓါတ်မှန်စက်ဖြင့် နယ်လှည့် အဆုတ် နှင့်ရင်ခေါင်းဆိုင်ရာတီဘီ ရောဂါ ရှာဖွေကုသခြင်းအား ဧပြီ ၂၅ရက် နံနက် ၉ နာရီတွင် ကျိုက်ထို မြို့ မြောက်ပိုင်းရပ်ကွက်ဓမ္မာရုံ ၌ စစ်ဆေးကုသပေးခဲ့သည်။
ယင်းသို့ အဆုတ်နှင့်ရင်ခေါင်းဆိုင်ရာတီဘီရောဂါ ရှာဖွေကုသရာတွင် မော်လမြိုင်ဆေးရုံကြီး တီဘီရောဂါကုသရေးဌာနမှ ဒေါက်တာ ထွန်းဦး နှင့် ဒေါက်တာတင်ကိုကိုထွေးဦးစီး၍ကျန်းမာရေးဝန်ထမ်းများက သံဃာတော်နှင့်၊ ပြည်သူများအား ဓာတ်မှန် ရိုက်စစ်ဆေးခြင်း၊လိုအပ်သည့် သောက်ဆေးများပေးဝေခြင်း စသည့် ကျန်းမာရေးစောင့်ရှောက်မှုများ ပြုလုပ်ဆောင်ရွက်ပေးခဲ့သည်။
အဆိုပါ နယ်လှည့်တီဘီရောဂါ စစ်ဆေး ကုသပေးခြင်းကို ကျိုက်ထိုမြို့နယ်အတွင်း ၌ ဧပြီလ ၂၁ ရက်နေ့မှစတင်ကာကွင်းဆင်းဆောင်ရွက်လျှက်ရှိပြီးကွန်ပျူတာဓါတ်မှန်စက်ဖြင့် နယ်လှည့်ရင်ခေါင်းတီဘီ ရောဂါ ရှာဖွေကုသခြင်း အစီအစဉ်အား ဧပြီ ၂၉ ရက်နေ့ထိဆောင်ရွက်သွားမည်ဖြစ်ကြောင်းကျန်းမာရေးဦးစီးဌာနမှသိရသည်။
ဝင်းမောင်
https://t.me/MyanmarNationalPost
No comments:
Post a Comment