MNP ၊ ဧပြီ ၂၅
ရခိုင်ပြည်နယ် မောင်တောမြို့၌ ခရိုင်/မြို့နယ်စီမံအုပ်ချုပ်ရေးအဖွဲ့နှင့် ခရိုင်/မြို့နယ်အဆင့် ဌာနဆိုင်ရာများ၏ လုပ်ငန်းညှိနှိုင်းအစည်းအဝေး ယမန်နေ့ နံနက် ၉ နာရီ အချိန် ခရိုင်အထွေထွေအုပ်ချုပ်ရေးဦးစီးဌာန ရုံး အစည်းအဝေး ခန်းမ၌ ကျင်းပပြုလုပ်ခဲ့သည်။
ရှေးဦးစွာ ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးနေဦးက အမှာစကားပြောကြားရာတွင် နိုင်ငံ့စီးပွားရေးမြှင့်တင်ရေး ရန်ပုံငွေများ ထုတ်ချေပေးနိုင်ရေး ၊ နိုင်ငံစီးပွားမြှင့်တင်ရေးအတွက် အဘက်ဘက်မှ ဆွေးနွေးတင်ပြပေးကြရန် နှင့် အ ထက်မှ ညွန်ကြားချက်များ လိုက်နာဆောင်ရွက်ရေး ၊ လယ်ယာမြေစီမံခန့်ခွဲမှု ကိစ္စရပ်များ ၊ ကဆုန်ညောင်ရေသွန်းပွဲ စည်ကားသိုက်မြိုက်စွာ ကျင်းပနိုင်ရေးအတွက် ဆောင်ရွက်ရမည့် ကိစ္စများ၊ အောင်မြင်စွာကျင်းပ ပေးနိုင်ရန်အတွက် ဆောင်ရွက်ထားသည့် အစီအမံ များအား သက်ဆိုင်ရာ ဌာနများက ကြိုတင် ရှင်းလင်းတင်ပြကြရန် လိုအပ်ပါ ကြောင်း ပြော ကြား ခဲ့သည်။
ထို့နောက် မောင်တောမြို့နယ် နှင့် ဘူးသီးတောင်မြို့နယ်စီမံအုပ်ချုပ်ရေးအဖွဲ့ဥက္ကဌ များ နှင့် သက်ဆိုင်ရာဌာနမှ တာဝန်ရှိသူများက ကဏ္ဍများအလိုက် ဆောင်ရွက်နေသည့် ကိစ္စရပ်များ ၊ ချေးငွေများ ထုတ်ချေးပေးခဲ့မှု အခြေ အနေ များအား အသီးသီးရှင်းလင်းတင်ပြကြရာ တင်ပြချက်များအပေါ် ခရိုင်စီမံအုပ်ချုပ်ရေးအဖွဲ့ ဥက္ကဋ္ဌက လိုအပ်သည် များကို ပေါင်းစပ်ညှိနှိုင်းဆောင်ရွက်ပေးခဲ့ကြောင်း သိရသည်။
သက်လွင်စိုး၊ အောင်ကျော်စိန်
https://t.me/MyanmarNationalPost
No comments:
Post a Comment