MNP ၊ ဧပြီ ၂၄
ပဲခူးတိုင်းဒေသကြီး၊ တောင်ငူခရိုင်၊ တောင်ငူမြို့၊ မြို့မစျေးကြီးနှင့် ဘုရင့်နောင်စျေးတို့ရှိ စျေးရောင်းစျေးဝယ်ပြည်သူများ၊ ပြည်တော်သာဝန်ထမ်းအိမ်ရာရှိ နိုင်ငံ့ဝန်ထမ်းများနှင့် မိသားစုဝင်များ၊ ရွှေဥသြကျေးရွာ၊ ကောင်းမူတော်ကျေးရွာနှင့် စိန်ပန်းပင်ကျေးရွာရှိ ပြည်သူများအား ကိုဗစ်-၁၉ ရောဂါထပ်ဆောင်းကာကွယ်ဆေး(Booster Dose)ထိုးနှံခြင်းကို ယမန်နေ့နံနက်(၉)နာရီအချိန်တွင် မြို့နယ်ပြည်သူ့ကျန်းမာရေးဦးစီးဌာနမှ ဝန်ထမ်းများကကွင်းဆင်း၍ ဆောင်ရွက်ပေးခဲ့ကြောင်း သိရသည်။
အဆိုပါ ကိုဗစ်-၁၉ ရောဂါထပ်ဆောင်းကာကွယ်ဆေး(Booster Dose)ထိုးနှံရာတွင် ကာကွယ်ဆေးထိုးနှံပြီး(၆)လနှင့်အထက်ရှိသူများအား ဆေးထိုးနှံပြီးကြောင်း ထုတ်ပေးထားသည့် ဆေးထိုးလက်မှတ်များယူဆောင်လာစေ၍ အပူချိန်တိုင်းတာပေးခြင်း၊ သွေးပေါင်ချိန်တိုင်းတာပေးခြင်းများဆောင်ရွက်ကာ ကိုဗစ်-၁၉ ရောဂါထပ်ဆောင်းကာကွယ်ဆေး (Booster Dose)ထိုးနှံပေးလျက်ရှိကြောင်းနှင့် ယနေ့တွင် နိုင်ငံ့ဝန်ထမ်းများနှင့် ပြည်သူ (၁၀၀၅)ဦးသို့ ကာကွယ်ဆေးထိုးနှံပေးခဲ့ပြီး ၂၄-၄-၂၀၂၃ရက်နေ့တွင် ခရိုင်စုပေါင်းရုံး၊ မြို့နယ်စည်ပင်သာယာရေးရုံး၊ ခရိုင်သဘာဝဘေးအန္တရာယ်ဆိုင်ရာစီမံခန့်ခွဲမှုဦးစီးဌာနရုံးနှင့် ခရိုင်စိုက်ပျိုးရေးဦးစီးဌာနရုံးတို့တွင် စုရပ်များသတ်မှတ်၍ နိုင်ငံ့ဝန်ထမ်းများအား နံနက်(၉)နာရီမှ (၁၂)နာရီအချိန်ထိ ကာကွယ်ဆေးထိုးနှံပေးသွားမည်ဖြစ်ကြောင်း သိရသည်။
ထို့အပြင် အပတ်စဥ်တနင်္လာနေ့မှ သောကြာနေ့ ရုံးဖွင့်ရက်များတွင် တောင်ငူခရိုင်ပြည်သူ့ဆေးရုံကြီး၌ ကိုဗစ်-၁၉ ရောဂါထပ်ဆောင်းကာကွယ်ဆေး(Booster Dose)များ ထိုးနှံပေးလျက်ရှိကြောင်း မြို့နယ်ပြည်သူ့ကျန်းမာရေးဦးစီးဌာနမှ သိရသည်။
https://t.me/MyanmarNationalPost
No comments:
Post a Comment