MNP ၊ မေ ၈
၂၀၂၂ ရာသီ အာရှချန်ပီယံလိဂ်ပြိုင်ပွဲ တွင် ဂျပန်ကလပ် အူရာဝရတ်အသင်း က ဆော်ဒီကလပ် အယ်လ်ဟီလာအသင်းကို အနိုင်ရဗိုလ်စွဲပြီး AFC အကြီးတန်းဒုဥက္ကဋ္ဌဖြစ်သူ ဦးဇော်ဇော်က ဆုပေးအပ်ချီးမြှင့်ခဲ့ကြောင်း သိရသည်။
၂၀၂၂ ရာသီ အာရှချန်ပီယံလိဂ်ဗိုလ်လုပွဲကို နှစ်ကျော့စနစ်ဖြင့် ယှဉ်ပြိုင်ကစားခြင်းဖြစ်ပြီး ဧပြီ ၂၉ ရက်က ယှဉ်ပြိုင်ကစားသည့် ပထမအကျော့ပွဲတွင် အယ်လ်ဟီလာနှင့် အူရာဝရတ်အသင်းတို့ တစ်ဂိုးစီသရေကျခဲ့သည်။ ဒုတိယအကျော့ပွဲစဉ်ကို မေ ၆ ရက်က ဂျပန်မြေ၌ ပြန်လည်ယှဉ်ပြိုင်ကစားရာ အိမ်ရှင် အူရာဝရတ်အသင်းက (၁-ဝ) ဂိုးဖြင့် အနိုင်ရပြီး နှစ်ကျော့ပေါင်းရလဒ် (၂-၁) ဂိုးဖြင့် ဗိုလ်စွဲခဲ့ခြင်းဖြစ်သည်။
ဗိုလ်လုပွဲအပြီး ဆုချီးမြှင့်ပွဲအခမ်းအနား ဆက်လက်ကျင်းပခဲ့ပြီး မြန်မာနိုင်ငံဘောလုံးအဖွဲ့ချုပ် (MFF) ဥက္ကဋ္ဌနှင့် အာရှဘောလုံးအဖွဲ့ချုပ် (AFC) ၏ အကြီးတန်းဒုဥက္ကဋ္ဌဖြစ်သူ ဦးဇော်ဇော်က ၂၀၂၂ ရာသီ အာရှချန်ပီယံလိဂ်ပြိုင်ပွဲ၌ အနိုင်ရဗိုလ်စွဲခဲ့သည့် အူရာဝရတ်အသင်းနှင့် ပြိုင်ပွဲတစ်လျှောက် အကောင်းဆုံးကစားသမားဆုရရှိသူ အူရာဝရတ်အသင်း၏ ဂျပန်လက်ရွေးစင် နောက်ခံလူ ဟီရိုကီဆာကာအီတို့ကို ဆုပေးအပ်ချီးမြှင့်ခဲ့ကြောင်း သိရသည်။
#MyanmarNationalPost
No comments:
Post a Comment