တောင်ကုတ်ခရိုင်သဘာဝဘေးအန္တရာယ်ဆိုင်ရာစီမံခန့်ခွဲမှုလုပ်ငန်းကော်မတီ၏ လုပ်ငန်းညှိနှိုင်းအစည်းအဝေး(၃/၂၀၂၃) ကျင်းပ

MNP ၊ မေ  ၈

ရခိုင်ပြည်နယ် ၊ တောင်ကုတ်ခရိုင်၊ တောင်ကုတ်မြို့၌ ခရိုင်သဘာဝဘေးအန္တရာယ်ဆိုင်ရာစီမံခန့်ခွဲမှု ကော်မတီ၏လုပ်ငန်းညှိနှိုင်းအစည်းအဝေး(၃/၂၀၂၃)ကို ယနေ့နံနက်(၁၀)နာရီအချိန်က ခရိုင်အထွေထွေ အုပ်ချုပ်ရေးဦးစီးဌာနရုံး  အစည်းအဝေးခန်းမ၌ကျင်းပသည်။

ရှေ့ဦးစွာ ခရိုင်သဘာဝဘေးအန္တရာယ်ဆိုင်ရာစီမံခန့်ခွဲမှုကော်မတီ ဥက္ကဌ ၊ ခရိုင်စီမံအုပ်ချုပ်ရေးအဖွဲ့ ဥက္ကဌ ဦးကျော်မြင့်လှိုင် က အမှာစကားပြောကြားရာတွင် မိမိတို့ခရိုင်အတွင်း သဘာဝဘေးအန္တရာယ်ကြောင့် ထိခိုက်ပျက်စီးမှုများ လျော့ပါးနိုင်သမျှလျော့ပါးရေး ၊ သဘာဝဘေးအန္တရာယ်မကျရောက်မီ ကြိုတင်ကာကွယ် ပြင်ဆင်ခြင်းလုပ်ငန်းများနှင့်ဘေးအန္တရာယ်လျော့ပါးရေး ၊ ရှာဖွေကယ်ဆယ်ရေး၊ အရေးပေါ်တုံ့ပြန်ရေး၊ ပြန်လည်ထူထောင်ရေးနှင့်ပြန်လည်တည်ဆောက်ရေးလုပ်ငန်းများကို ဆောင်ရွက်နိုင်ရန်အတွက် လုပ်ငန်း ကော်မတီ(၁၂)ရပ်ကိုဖွဲ့စည်းတာဝန်ပေးအပ်ထားပြီးဖြစ်ကြောင်းနှင့် ဖွဲ့စည်း ထားသည့် ကော်မတီ အလိုက် လုပ်ငန်း တာဝန်များကို အားသွန်ခွန်စိုက်ထမ်းဆောင်ကြရန် လို ကြောင်း ပြောကြားပါသည်။

ထို့နောက် ခရိုင်စီမံအုပ်ချုပ်ရေးအဖွဲ့ဝင် (၃) ဦးရည်သန့်နှင့် အတွင်းရေးမှူး ဒုတိယရဲမှူးကြီး ကျော်ဇင်သန့် တို့က သဘာဝဘေးအန္တရာယ်လျော့ပါးရေး ၊ ရှာဖွေကယ်ဆယ်ရေး နှင့်အရေးပေါ်တုံ့ပြန်ရေး လုပ်ငန်းများနှင့်ပတ်သက်၍ ဆွေးနွေးတင်ပြသည်။

အဆိုပါအစည်းအဝေးသို့ ခရိုင်စီမံအုပ်ချုပ်ရေးအဖွဲ့ ဥက္ကဌ ဦးကျော်မြင့်လှိုင်နှင့်အဖွဲ့ဝင်များ ၊ မြို့နယ် စီမံအုပ်ချုပ်ရေးအဖွဲ့  အဖွဲ့ဝင်များ ၊ ခရိုင်၊မြို့နယ်အဆင့်ဌာနဆိုင်ရာများ ၊ လုပ်ငန်းကော်မတီဝင်များ တက် ရောက်ခဲ့ကြကြောင်းသိရသည်။

 https://t.me/MyanmarNationalPost