MNP ၊ မေ ၁၁
ရခိုင်ပြည်နယ်၊ ပုဏ္ဏားကျွန်းမြို့၊ မြို့မဈေးကြီးခွဆုံ၌ ယနေ့၊ နံနက်(၈) နာရီက သဘာဝ ဘေးအန္တရာယ်ကြိုတင်ကာကွယ်ရေးအတွက် မြို့နယ်စီမံအုပ်ချုပ်ရေးအဖွဲ့၏ ဦးဆောင်မှုဖြင့် မီးသတ်ဦးစီးဌာနမှ ကာကွယ်ရေးသုံးပစ္စည်းများ အသင့်ပြင်ဆင်ထားရှိမှုနှင့် ဇာတ်တိုက် လေ့ကျင့်ခြင်းများဆောင်ရွက်ခဲ့ကြသည်။
ထိုသို့ဆောင်ရွက်ရာတွင် မုန်တိုင်းအန္တရာယ်ကျရောက်လာသည့်အခါ မြို့နယ်အတွင်းရှိ ပြည်သူများအား အရေးပေါ်ကူညီကယ်ဆယ်ရေးလုပ်ငန်းများ ဆောင်ရွက်ပေးနိုင်ရေးအတွက် လိုအပ်သော ကာကွယ်ရေးပစ္စည်းများ အသင့်ပြင်ဆင်ထားရှိမှုများအား သရုပ်ပြ ဇာတ်တိုက် လေ့ကျင့်ခြင်းများဆောင်ရွက်ခဲ့ကြသည်။
အဆိုပါဇာတ်တိုက်လေ့ကျင့်ခြင်းကို မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးမောင်စံဝင်း နှင့်အဖွဲ့ဝင်များ၊ မြို့နယ်အဆင့်ဌာနဆိုင်ရာတာဝန်ရှိသူများ၊ မြို့နယ်မီးသတ်တပ်ဖွဲ့ဝင်များ၊ ရပ်ကွက်အုပ်ချုပ်ရေးမှူးများ၊ ကြက်ခြေနီတပ်ဖွဲ့ဝင်များနှင့်စေတနာ့ဝန်ထမ်းများက ပူးပေါင်း ပါဝင်ဆောင်ရွက်ခဲ့ကြောင်းသိရသည်။
နီထွန်းအောင်
https://t.me/MyanmarNationalPost
No comments:
Post a Comment