MNP ၊ မေ ၉
မွန်ပြည်နယ်၊ပေါင်မြို့နယ်တွင် ကျောင်းနေအရွယ်ကလေးအားလုံးပညာရေးမဝေးဖို့ ကျောင်းအမြန်အပ်နှံစို့ ဆိုင်းဘုတ်စိုက်ထူရေးကိုယနေ့နံနက် ( ၉ ) နာရီက ( အထက )ပေါင် ကျောင်းရှေ့၌ စိုက်ထူခဲ့ကြောင်းသိရသည်။
ဆိုင်းဘုတ်စိုက်ထူရာတွင် မြို့နယ်စီမံအုပ်ချုပ်ရေးအဖွဲ့ဝင် ရဲမှူးသံမရောင်၊ပေါင်မြို့နယ်ပညာရေးမှူး ဒေါ်စန်းစန်းအေး၊ဒုတိယမြို့နယ်အုပ်ချုပ်ရေးမှုး ဦးကျော်မျိုးလှိုင် တို့က အမွှေးနံ့သာတို့ဖြင့် ပက်ဖြန်းကာ ကျောင်းနေအရွယ်ကလေးအားလုံး ပညာရေးမဝေးဖို့ ကျောင်းအမြန်အပ်ကြစို့ ဆိုင်းဘုတ်အား စိုက်ထူခဲ့ကြပြီး ဘင်ခရာအဖွဲ့များက ဂုဏ်ပြု ကပြဖျော်ဖြေခဲ့ကြသည်။
အခမ်းအနားသို့ ဌာနဆိုင်ရာများ၊မြို့နယ်အတွင်းရှိ ဆရာကြီး၊ဆရာမကြီးများ၊ကျောင်းအကျိုးတော်ဆောင်များနှင့်သက်ဆိုင်ရာတာဝန်ရှိသူများတက်ရောက်ခဲ့ကြောင်းသိရသည်။
အလားတူပင် ဇင်းကျိုက်မြို့ရှိ ( အထက )ဇင်းကျိုက် ကျောင်းတွင်လည်းမြို့အုပ်ချုပ်ရေးမှူးဦးတိုးဝေအောင် နှင့် ( အထက )ကျောင်းအုပ်ကြီးဒေါ်ဌေးဌေးမြင့် တို့ကလည်း အမွှေးနံ့သာတို့ဖြင့် ပက်ဖြန်းကာ ကျောင်းနေအရွယ်ကလေးအားလုံး ပညာရေးမဝေးဖို့ ကျောင်းအမြန်အပ်ကြစို့ ဆိုင်းဘုတ်အား စိုက်ထူခဲ့ကြကြောင်းသိရသည်။
အဆိုပါ ကျောင်းအပ်နှံရေးနေ့သည် မေလ ( ၂၃ ) ရက်နေ့မှ မေလ ( ၃၁ )ရက်နေ့အထိ ပိတ်ရက်မရှိ ကျောင်းအပ်နှံသွားမည် ဖြစ်ကြောင်းသိရသည်။
https://t.me/MyanmarNationalPost
No comments:
Post a Comment