ရခိုင်ပြည်နယ် မောင်တောမြို့၌ သဘာဝဘေးအန္တရာယ်ဆိုင်ရာ စီမံခန့်ခွဲမှုလုပ်ငန်းများ ထိရောက်စွာ အကောင် အထည်ဖော်ဆောင်ရွက်နိုင်ရေး ညှိနှိုင်းအစည်းအဝေးကျင်းပ

MNP ၊ မေ  ၉

ရခိုင်ပြည်နယ် ၊ မောင်တောမြို့၌ ခရိုင်အတွင်း သဘာဝဘေးအန္တရာယ်ဆိုင်ရာ စီမံခန့်ခွဲမှုလုပ်ငန်းများကို ထိ ရောက်စွာ အကောင်အထည်ဖော် ဆောင်ရွက်နိုင်ရေးလုပ်ငန်းညှိနှိုင်း အစည်းအဝေးကို ယနေ့နံနက် ၁၀ နာရီအချိန် ခရိုင် အထွေထွေအုပ်ချုပ်ရေးဦးစီးဌာန၊ အစည်းအဝေး ခန်းမတွင် ပြုလုပ်ခဲ့သည်။

ရှေးဦးစွာ နယ်မြေခံစစ်ဆင်ရေး ကွပ်ကဲရေးမှူး ဗိုလ်မှူးချုပ်သူရိန်ထွန်းက  ယခုဖြစ်ပေါ်လျက်ရှိသော  သဘာဝ ဘေး အန္တရာယ်ဆိုင်ရာ ကိစ္စရပ်များကို ကြိုတင်ကာကွယ်နိုင်ရေးအတွက် ကော်မတီများ ဖွဲ့စည်း ဆောင်ရွက်ထားရှိမှု  ၊ ကော်မတီတစ်ခုချင်း၏  လုပ်ငန်းတာဝန်များ ၊  သဘာဝဘေး မဖြစ်ပေါ်ကာလနှင့် ဖြစ်နေဆဲကာလ ၊ ဖြစ်ပေါ်ပြီး ကာလ များ အတွင်း ကော်မတီများ အလိုက် လုပ်ဆောင်သင့်သည့် များအား ရှင်းလင်း ဆွေးနွေး ခဲ့ပြီး ခရိုင်စီမံအုပ်ချုပ်ရေး အဖွဲ့ ဥက္ကဋ္ဌ ၊ ခရိုင်သဘာဝဘေးစီမံခန့်ခွဲမှု ကော်မတီ ဥက္ကဋ္ဌ ဦးနေဦးက သဘာဝဘေးအန္တရာယ် ဖြစ်ပေါ်လာပါက ကြိုတင် ကာကွယ်မှုများ စီစဉ်ဆောင်ရွက်မှု ၊ သဘာဝဘေး ကာကွယ်နိုင်ရေး အသိ ပညာပေးရေး ၊ သဘာဝဘေး ကာကွယ် ရေး အတွက် ကြိုတင်အစီအမံများ ဆောင်ရွက်ထားရှိမှသာ သဘာဝဘေးအန္တရာယ်ကြောင့် ထိခိုက် ဆုံးရှုံးမှုများ လျှော့ချ နိုင်မည် ဖြစ်ကြောင်း ၊သဘာ၀ဘေးအန္တရာယ်များကြောင့် ပြည်သူလူထု၏ အသက်အိုးအိမ်စည်း စိမ်များ ထိခိုက် ဆုံးရှုံးမှု လျော့နည်းသက်သာစွာနှင့် အကောင်းဆုံး ရင်ဆိုင်တုံ့ပြန်နိုင်ရေး၊ စနစ်တကျစီမံခန့်ခွဲနိုင်ရန် လုပ်ငန်း ကော်မတီ အသီးသီး အနေဖြင့် သက်ဆိုင်ရာလုပ်ငန်းကဏ္ဍအလိုက် လုပ်ငန်းအစီအမံများ ကြိုတင်ပြင်ဆင် ဆောင်ရွက်ထားရှိရေး၊ ဘေး အန္တရာယ် များ စနစ်တကျ လျင်မြန်ထိရောက်စွာ ဆောင်ရွက်နိုင်ရေး၊ မြို့နယ် သဘာဝဘေး အန္တရာယ်ဆိုင်ရာစီမံခန့်ခွဲမှု လုပ်ငန်းစီမံချက်ပါ လုပ်ငန်းစဉ်များဖြစ်သည့် ကြိုတင်ပြင်ဆင်ရေးနှင့် ကြိုတင်ကာကွယ်ရေး၊ ပြန်လည်တုံ့ပြန်ရေး၊ ပြန်လည်ထူထောင်ရေး လုပ်ငန်းများကို အားလုံးပူးပေါင်း ပါဝင်ဆောင်ရွက်ရန်လိုအပ်ကြောင်း စသည့်တို့ကို ရှင်းလင်း ပြောကြားခဲ့သည်။ 

ထို့နောက် မြို့နယ်စီမံအုပ်ချုပ်ရေး အဖွဲ့ဥက္ကဋ္ဌ ဦးကံထွန်းအောင်က သဘာဝဘေးအန္တရာယ်ကြိုတင်ကာကွယ်ရေး အတွက် ကော်မတီများဖွဲ့စည်းဆောင်ရွက်ထားရှိပြီး သက်ဆိုင်ရာကော်မတီများအလိုက် လုပ်ငန်းတာဝန်များကိုလည်း ကြိုတင်စီစဉ်ဆောင်ရွက်ထားရှိပါကြောင်း နှင့် သဘာဝဘေးဖြစ်ပေါ်လာပါက သက်ဆိုင်ရာဌာန ကော်မတီဝင်များအလိုက် လုပ်ငန်းတာဝန်များအား စနစ်တကျ အကောင်အထည်ဖော်ဆောင်ရွက်ရေး စီစဉ်ဆောင်ရွက်ထားရှိမှု အခြေအနေများအား  စသည့်တို့ကို ဆွေးနွေးတင်ပြခဲ့ရာ  လိုအပ်သည်များအား ခရိုင်စီမံအုပ်ချုပ်ရေးအဖွဲ့ဥက္ကဋ္ဌက ပေါင်းစပ်ညှိနှိုင်း ဆောင်ရွက် ပေးခဲ့ကြောင်းသိရသည်။

သက်လွင်စိုး ၊အောင်ကျော်စိန်

 https://t.me/MyanmarNationalPost