MNP ၊ မေ ၉
ကရင်ပြည်နယ်၊ ဘားအံခရိုင်၊ ပိုင်ကျုံမြို့ စည်ပင်သာယာရေးအဖွဲ့မှ မြို့အင်္ဂါရပ်နှင့်အညီ ရေစီးရေလာ ကောင်းမွန်စေရေးအတွက် အမှတ်(၂)ရပ်ကွက် အ-ထ-ကကျောင်းလမ်းပေါ်ရှိ လမ်းဘေးဝဲယာ အုတ်စီရေမြောင်း တည်ဆောက်ခြင်းကို မေလ ၈ ရက်နေ့က စတင် အကောင်အထည်ဖော် ဆောင်ရွက်ခဲ့သည်။
ထို့သို့ဆောင်ရွက်ရာတွင် ကရင်ပြည်နယ်အစိုးရအဖွဲ့၏ ၂၀၂၃-၂၀၂၄ ဘဏ္ဍာရေးနှစ်အတွင်း ခွင့်ပြုရန်ပုံငွေ ကျပ်(၃၀.၄၁)သန်းဖြင့် အရှည် ၅၅၀ပေ၊ အကျယ် ၂ပေ၊ အမြင့် ၃ပေရှိပြီး လုပ်ငန်းများသတ်မှတ် အချိန်ကာလအတွင်း အရည်အသွေးပြည့်မီစွာ ပြီးစီးနိုင်ရေးအတွက် မြို့စည်ပင်သာယာရေးအဖွဲ့မှ တာဝန်ရှိသူများတို့က အနီးကပ်ကြီးကြပ်ဆောင်ရွက်လျက်ရှိကြောင်း သိရသည်။
အဆိုပါလုပ်ငန်းများပြီးစီးပါက မြို့သာယာလှပလာမည့်အပြင် ရေစီးရေလာ ကောင်းမွန်လာမည်ဖြစ်ပြီး ဒေသနေပြည်သူများအနေဖြင့် ကျန်းမာရေးနှင့်အညီ လူနေမှုဘဝနှင့် သွားရေးလာရေးအတွက် အဆင်ပြေလာမည်ဖြစ်ကြောင်း သိရသည်။
နော်ခူး
https://t.me/MyanmarNationalPost
No comments:
Post a Comment