MNP ၊ မေ ၉
မက်မန်းခရိုင်အတွင်းရှိ မီးသတ်တပ်ဖွဲ့ဝင်များသည် လာမည့်ရက်ပိုင်းအတွင်း၌ တိုက်ခတ်လာနိုင်သည့် မုန်တိုင်းကြောင့် အရေးပေါ်ကူညီကယ်ဆယ်ရေးလုပ်ငန်းများ ဆောင်ရွက်နိုင်ရန် ကြိုတင်ပြင်ဆင်မှုများ ပြုလုပ်ဆောင်ရွက်နေကြသည်။
"ခရိုင်/မြို့နယ်ရှိ မီးသတ်စခန်းမှ တပ်ဖွဲ့ဝင်တွေအကုန်လုံးက မုန်တိုင်းတိုက်ခတ်လာရင် ကူညီကယ်ဆယ်ရေးလုပ်ငန်းတွေ လုပ်ကိုင်နိုင်ဖို့ အသင့်ဖြစ်နေပါပြီ၊ အကူအညီလိုအပ်တဲ့ လူတိုင်းကိုကူညီပေးသွားမှာပါ"
"အဓိကလိုအပ်တာက သောက်သုံးရေဆေးဝါးပစ္စည်းနဲ့စားနပ်ရိက္ခာပေါ့၊ နိုင်သလောက်စုဆောင်းထားတာ ကိုယ့်အိမ်က ခိုင်မာမှုရှိလား/မရှိစစ်ဆေးပြီး ခိုင်မာမှုမရှိရင် လိုအပ်တဲ့ပြင်ဆင်မှုတွေလုပ်ထားသင့်တယ်၊ ကိုယ့်မြို့နယ်ကျေးရွာရပ်ကွက်မှာရှိတဲ့ မီးသတ်တပ်ဖွဲ့ဝင်တွေရဲ့ ဖုန်းနံပါတ်တွေကိုအသင့်ဆောင်ထားသင့်တယ်၊ ဒါမှအကူအညီလိုအပ်ရင် ချက်ခြင်းအကြောင်းကြားနိုင်မှာပါ" ဟုတာဝန်ရှိသူတစ်ဦးက ပြောကြားသည်။
မုန်တိုင်းအန္တရာယ်ကျရောက်လာပါက အချိန်နှင့်တစ်ပြေးညီ လျင်မြန်စွာကာကွယ်နိုင်ရေးအတွက် ရှာဖွေကယ်ဆယ်ရေးပစ္စည်းများ၊ စက်သုံးဆီ၊ စားသောက်ကုန်၊ မော်တော်ယာဉ်များ၊ အသင့်ဆောင်ရွက်ထားရှိကြောင်း သတင်းရရှိသည်။
အေးဝင်းစိုး
https://t.me/MyanmarNationalPost
No comments:
Post a Comment