MNP ၊ မေ ၉
မကွေးတိုင်းဒေသကြီး မင်းဘူးခရိုင် စလင်းမြို့နယ်တွင် ပညာရေးဝန်ကြီးဌာန၏ လမ်းညွှန်မှုဖြင့် စလင်းမြို့နယ်ပညာရေးမှူးကြီးမှ ကြီးကြပ်၍ ၂၀၂၃-၂၀၂၄ ပညာသင်နှစ် ကျောင်းနေအရွယ်ကလေးအားလုံး ပညာရေးမဝေးဖို့ အမြန်ကျောင်းအပ်နှံကြစို့ ဆိုင်းဘုတ်စိုက်ထူခြင်းကို ယနေ့နံနက် ၈ နာရီအချိန်က စိုက်ထူခဲ့ကြောင်း သိရသည်။
အဆိုပါ ဆိုင်းဘုတ်စိုက်ထူရာသို့ စလင်းမြို့နယ်ပညာရေးမှူး ဦးသိန်းဌေးနှင့် ဆရာ၊ ဆရာမများ တက်ရောက်ခဲ့ကြသည်။ စလင်းမြို့နယ်အတွင်းရှိ ကျောင်းသား၊ ကျောင်းသူကလေးများ ၂၀၂၃-၂၀၂၄ ပညာသင်နှစ်တွင် ကျောင်းနေအရွယ်ကလေးတိုင်း ကျောင်းအပ်နှံနိုင်ရေးအတွက် ဆိုင်းဘုတ်စိုက်ထူခြင်းကို စလင်းမြို့အမှတ်(၁) အခြေခံပညာအထက်တန်းကျောင်းဝန်းအတွင်းနှင့် စလင်းမြို့ မင်းဘူး-စလင်း ကားလမ်း မီးပွိုင့်လမ်းဆုံ၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနရုံးရှေ့တို့တွင် စိုက်ထူခဲ့သည်။ ကျောင်းအပ်နှံရေး သီတင်းပတ်အဖြစ် မေလ(၂၃)ရက်နေ့မှ မေလ(၃၁)ရက်နေ့အထိ သတ်မှတ်ထားပြီး ကျောင်းနေအရွယ်ကလေးတိုင်း ပညာသင်ကြားနိုင်စေရန် အသိပညာပေးစိုက်ထူခဲ့ကြောင်း သိရှိရသည်။
https://t.me/MyanmarNationalPost
No comments:
Post a Comment