MNP ၊ မေ ၁၀
ရခိုင်ပြည်နယ်၊ ပုဏ္ဏားကျွန်းမြို့နယ်အတွင်း ကိုဗစ်-၁၉ ရောဂါ အိုမီခရွန်မျိုးကွဲသစ် (XBB.1.16)ကူးစက်ဖြစ်ပွားမှုနှုန်းကို လျော့ချထိန်းချုပ်နိုင်ရန်ရည်ရွယ်၍ ဒေသခံပြည်သူများအား ကိုဗစ်-၁၉ ကာကွယ် ဆေး ပဉ္စမအကြိမ်အပိုဆောင်းနှင့်စတုတ္ထအကြိမ်၊ တတိယအကြိမ် (Booster Dose)ထိုးနှံခြင်းကို ယနေ့၊ နံနက်(၁၀) နာရီက မြို့နယ်ပြည်သူ့ကျန်းမာရေးဌာန တွင် ထိုးနှံပေးလျက်ရှိသည်။
ထိုသို့ ကိုဗစ်-၁၉ ကာကွယ်ဆေးများထိုးနှံခြင်းကို မြို့နယ်စီမံအုပ်ချုပ်ရေးအဖွဲ့၏ ကြီးကြပ်မှုဖြင့် ကျန်းမာ ရေးဝန်ထမ်းများက ကျန်းမာရေးဝန်ကြီးဌာန၏ ကိုဗစ်-၁၉ ရောဂါ ကာကွယ်ရေးလမ်းညွှန်ချက်များနှင့်အညီ ကိုယ်အပူရှိန်တိုင်းတာခြင်း၊ သွေးပေါင်ချိန်တိုင်းတာခြင်းတို့စသည့် ကျန်းမာရေးစစ်ဆေးမှုများ ဆောင်ရွက်ပေးပြီး သတ်မှတ်အကြိမ်ရေအလိုက် ထိုးနှံပေးခဲ့သည်။
အဆိုပါကာကွယ်ဆေးထိုးနှံခြင်းကို ပုဏ္ဏားကျွန်းမြို့နယ်ပြည်သူ့ကျန်းမာရေးဌာနတွင် ယမန်နေ့က ပဉ္စမအကြိမ် အပိုဆောင်းကာကွယ်ဆေးထိုးနှံသူ ၁၉ ဦး၊ စတုတ္ထအကြိမ် ထိုးနှံသူ ၄ ဦးနှင့်တတိယအကြိမ်ထိုးနှံသူ ၁၄ ဦးရှိကြောင်း မြို့နယ် ကိုဗစ်-၁၉ ထိန်းချုပ်ရေးနှင့်အရေးနှင့်ပေါ်တုံ့ပြန်ရေးကော်မတီထံမှသိရသည်။
နီထွန်းအောင်
https://t.me/MyanmarNationalPost
No comments:
Post a Comment