MNP ၊ မေ ၈
ရခိုင်ပြည်နယ် ၊ ရမ်းဗြဲမြို့နယ်တွင် မြို့နယ်သဘာဝဘေးအန္တရာယ်ဆိုင်ရာ စီမံခန့်ခွဲမှုအဖွဲ့ဥက္ကဌ၏ ကြီးကြပ်မူဖြင့် သဘာဝဘေးကာကွယ်တားဆီးရေး စီမံခန့်ခွဲမူလုပ်ငန်းကော်မတီဝင်များပူးပေါင်းပြီး ယနေ့ နံနက်(၈)နာရီအချိန်က လူစည်ကားရာ လမ်းဆုံ/လမ်းခွနှင့်ချောင်းကမ်းနားဘေးတွင် နေထိုင်သည့် ပြည်သူများအားမုန်တိုင်း အသိပညာပေး လက်ကမ်းစာစောင်များဖြန့်ဝေခြင်းနှင့် မုန်တိုင်း အသိပညာပေး လုပ်ငန်းများကိုဆောင်ရွက်ခဲ့ကြသည်။
အသိပညာပေးလက်ကမ်းစာစောင်တွင်လူမူဝန်ထမ်းကယ်ဆယ်ရေးနှင့်ပြန်လည်နေရာချထားရေးဝန်ကြီးဌာနမှထုတ်ဝေသည့် မုန်တိုင်းအတွက် ကြိုတင်ပြင်ဆင်ရန်အချက်များ ၊ မုန်တိုင်းသတိပေးချက်ရလျင်ဆောင်ရွက်ရန်အချက်များ ၊ ရှောင်ရန်သင့်သည့်အချက်များ ၊ မုန်တိုင်းဖြစ်ပေါ်ပြီးချိန်တွင် ပြုလုပ်ရန်အချက်များ စသည့််အချက်များပါဝင်သည့် လက်ကမ်းစာစောင်များကို ဖြန့်ဝေခဲ့ကြပြီး ပြည်သူများအနေဖြင့် မိုးလေဝသနှင့်ဇလဗေဒညွန်ကြားရေးမူးဦးစီးဌာန (နေပြည်တော်)မှ ထုတ်ပြန်ထားသည့် အချက်အလက်များအား သိရှိနိုင်ရန်သတင်းများ ၊ ရေဒီယိုများ ၊TV များကြည့်ရူ့ နားဆင်ကြရန်နှင့် သဘာဝဘေးအန္တရာယ် ကြိုတင်ကာကွယ်နိုင်ရေးအတွက် ဆောင်ရွက်ကြရန် အသိပညာပေး ပြောကြားခဲ့ကြောင်း သိရသည်။
https://t.me/MyanmarNationalPost
No comments:
Post a Comment