MNP ၊ မေ ၁၁
ရခိုင်ပြည်နယ်၊စစ်တွေခရိုင်၊ပေါက်တောမြို့နယ်တွင် မေလ ၁၁ ရက်နေ့မှ ၁၃ ရက်နေ့ အတွင်း ကျရောက်မည့် သဘာဝဘေးနှင့်ဆိုင်ကလုန်းမုန်တိုင်းအတွက် ကြိုတင်ပြင်ဆင် ဆောင်ရွက်ထားရှိမှု အခြေအနေများအားမြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးကျန်အေး နှင့် တာဝန်ရှိသူများမှ ယမန်နေ့ည ပိုင်းတွင် ကွင်းဆင်းကြည့်ရှုစစ်ဆေးခဲ့ကြောင်းသိရသည်။
ရေှးဦးစွာ ပေါက်တောမြို့ရှိ မြို့နယ်သာသနာ့ဗိဗာန်တော်ခန်းမနှင့်ကြိမ်ခွေမော်ကျေးရွာ ဘုန်းတော်ကြီးကျောင်းအတွင်း သဘာဝဘေးနှင့်ဆိုင်ကလုန်းမုန်တိုင်း ကြိုတင်ကာကွယ်နိုင်ရန်ပြင်ဆင်ထားရှိမှုများအား ကြည့်ရှုစစ်ဆေးခဲ့ပြီး တာဝန်ရှိသူများထံ အသေးစိတ်မှာကြားခဲ့ကြောင်းသိရသည်။
ထို့ပြင် ပေါက်တောမြို့နယ်အတွင်းရှိ ကျေးရွာများမှ သဘာဝဘေးနှင့်ဆိုင်ကလုန်းမုန်တိုင်း ကြိုတင်ကာကွယ်နိုင်ရန် ရောက်ရှိလာကြသည့် ပြည်သူများကို မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးကျန်အေး နှင့် အဖွဲ့ဝင်များ၊ဌာနဆိုင်ရာများက ထမင်းထုပ်များဝေငှပေးခဲ့ကြောင်းသိရသည်။
ဝင်းမင်းစိုး
https://t.me/MyanmarNationalPost
No comments:
Post a Comment