MNP ၊ မေ ၂၉
ကချင်ပြည်နယ်ဝန်ကြီးချုပ်နှင့်အဖွဲ့သည် ဗန်းမော်ခရိုင်၊ မံစီမြို့နယ်သို့ သွားရောက်ကာ ဒေသဖွံ့ဖြိုးတိုးတက်ရေးဆောင်ရွက်နေမှုများအား မေ ၂၈ ရက်နေ့က သွားရောက်စစ်ဆေးဆောင်ရွက်ခဲ့ကြောင်း သိရသည်။
ပြည်နယ်ဝန်ကြီးချုပ်သီရိပျံချီဦးခက်ထိန်နန် နှင့် အဖွဲ့သည် ဌာနဆိုင်ရာများ လိုက်ပါလျက် မံစီမြို့နယ်၊ နမ့်မဖွဲကျေးရွာ၌ တောင်သူများနှင့်တွေ့ဆုံပြီး ဆင်းဧကရီ-၃ စီးပွားဖြစ်မျိုးသန့်မျိုးစေ့အိတ်များ ပေးအပ်ခြင်း၊ သစ်စိမ်းမြေသြဇာ စုပေါင်းကြဲပက်များပြုလုပ်ခဲ့ပြီး မံစီမြို့၊ မြို့တော်ခန်းမ၌ နိုင်ငံစီးပွားမြှင့်တင်ရေးရန်ပုံငွေဖြင့် စိုက်ပျိုးမွေးမြူရေးဆောင်ရွက်သောကျေးရွာစီမံကိန်းအကောင်အထည်ဖော်ရေးကော်မတီဝင်များ၊ တောင်သူများနှင့်တွေ့ဆုံခဲ့ကြသည်။
ယင်းနောက် မံစီမြို့၊ ကောင်ရာရပ်ကွက်၊ KBCနှစ်ခြင်းဘုရားကျောင်း၌ တိမ်းရှောင်စခန်းအသီးသီးမှ နေရပ်ပြန်အိမ်ထောင်စုများအား ထောက်ပံ့ပစ္စည်းနှင့် ဆန်ရိက္ခာဖိုးငွေများ ပေးအပ်ခြင်း၊ ဂျိမ်းဖော့မြေရပ်ကွက်ရှိ အာရ်စီဘုရားရှိခိုးကျောင်း၌ ကျောင်းထိုင်ဆရာတော်အား တွေ့ဆုံလက်ဆောင်ပစ္စည်းပေးအပ်ခြင်း၊ ပြင်ဦးလွင်ရပ်ကွက်ရှိ အခြေခံပညာအထက်တန်းကျောင်း၌ ကျောင်းအပ်နှံရေးအခမ်းအနားသို့ ဖဲကြိုးဖြတ်ဖွင့်လှစ်ပေးပြီး အမှာစကားပြောကြားကာ ထောက်ပံ့ငွေ ကျောင်းသုံးပုံနှိပ်စာအုပ်ဗလာစာအုပ်ခဲတံနှင့်ဘောပင်များကို ထောက်ပံ့ပေးအပ်ခဲ့သည်။
ဆက်လက်ပြီး ပြင်ဦးလွင်ရပ်ကွက်၊ လုံဂျာသစ်တောကြိုးဝိုင်း ရှင်းလင်းဆောင်၌ သစ်တောကြိုးဝိုင်းမှ ပယ်ဖျက်၍ မြို့မြေအဖြစ် သတ်မှတ်ထားသည့် (၄၅)ဧက၌ ဌာနဆိုင်ရာမြေနေရာချထားမှုအခြေအနေနှင့် ဆောင်ရွက်မည့်အစီအမံများ ရှင်းလင်းတင်ပြပွဲသို့ တက်ရောက်ကာ လိုအပ်သည်များကို ညှိနှိုင်းဆောင်ရွက်ပေးခဲ့ကြောင်း သိရသည်။
#MyanmarNationalPost
No comments:
Post a Comment