MNP ၊ မေ ၈
မွန်ပြည်နယ် ၊ကျိုက်ထိုမြို့နယ်၌ သဘာဝဘေးအန္တရာယ် ကျရောက်လာပါက မြို့နယ်မီးသတ်ဦးစီးဌာနမှ မီးသတ်တပ်ဖွဲ့ဝင်များ အနေဖြင့် အချိန်နှင့်တပြေးညီ ကယ်ဆယ်ရေးလုပ်ငန်းများ ဆောင်ရွက်နိုင်ရန် အသင့်စုဖွဲ့ဆောင်ရွက်ခြင်းနှင့် လိုအပ်မည့်ပစ္စည်းကိရိယာများကို ယနေ့နံနက်ပိုင်းက ကြိုတင်စီစဥ်ဆောင်ရွက်ထားရှိကြောင်း သိရသည်။
မိုးကြိုကာလရောက်ရှိလာပြီးမုန်းတိုင်းအန္တရာယ်ကျရောက်လာနိုင်မည်ဖြစ်၍ ကျိုက်ထို မြို့နယ်အတွင်း သဘာဝဘေးကြောင့် လူ၊ တိရစ္ဆာန်နှင့် အဆောက်အဦးများ ထိခိုက်ပျက်စီးမှုများ ရှိလာနိုင်ခြင်း၊ သဘာဝဘေးအန္တရာယ်ကြိုတင်ကာကွယ်နိုင်ရေးအတွက် ပြည်သူများအား ထိခိုက်ဆုံးရှုံးမှုမရှိစေရေး ဘေးလွတ်ရာသို့ ပြောင်းရွှေ့ နိုင်ရေးအသိပညာပေးခြင်းနှင့် စုရပ်များကြိုတင်ပြင်ဆင်ဆောင်ရွက်ရန်၊ သဘာဝဘေးအန္တရာယ်ကျရောက်လာပါက အချိန်နှင့်တပြေးညီ ကယ်ဆယ်ရေးလုပ်ငန်းများဆောင်ရွက်နိုင်ရန်အတွက် ကျိုက်ထို မြို့နယ်မီးသတ်ဦးစီးဌာနရုံးမှ မီးသတ်တပ်ဖွဲ့ဝင် ( ၃၅ )ဦးအား အသင့်စုဖွဲ့ ပြီး ကယ်ဆယ်ရေးလေ့ကျင့်ခြင်းများ ဆောင်ရွက်လျက်ရှိပြီး၊ရှာဖွေကယ်ဆယ်ရေးအတွက် လိုအပ်မည့်ပစ္စည်းကိရိယာများဖြစ်သော ရှာဖွေကယ်ဆယ်ရေးလုပ်ငန်းသုံးယာဉ်များ၊ အသက်ကယ် Speed Boat၊ စက်သုံးဆီ၊ အသက်ကယ်အင်္ကျီ၊ အသက်ကယ်ဘောကွင်း၊ အသက်ကယ်ကြိုးများစသည်ဖြင့် အသင့်ကြိုတင်စီစဥ်ဆောင်ရွက်ထားရှိကြောင်း မြို့နယ်မီးသတ်ဦးစီးဌာနရုံး၊ ဦးစီးအရာရှိ ထံမှသိရသည်။
https://t.me/MyanmarNationalPost
No comments:
Post a Comment