MNP ၊ မေ ၉
ရန်ကုန်တိုင်းဒေသကြီး၊ အလုံခရိုင်၊ ကြည့်မြင်တိုင်မြို့နယ်၊ ကမ်းနားလမ်းရှိ မြို့နယ်မီးသတ်စခန်း၌ မုန်တိုင်းဘေးအန္တရာယ်ကြိုတင်ကာကွယ်ရေး စုဖွဲ့လေ့ကျင့်ဆောင်ရွက်နေမှုအား ယမန်နေ့နံနက် ၇ နာရီအချိန်က ဇာတ်တိုက်လေ့ကျင့်ဆောင်ရွက်လျက်ရှိကြောင်း သိရသည်။
ထိုသို့ မုန်တိုင်းဘေးအန္တရာယ်ကြိုတင်ကာကွယ်ရေး ဇာတ်တိုက်လေ့ကျင့် ဆောင်ရွက်ရာသို့ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌဦးမျိုးညီညီနှင့်အဖွဲ့ဝင်များ၊ မြို့နယ်စည်ပင်အုပ်ချုပ်ရေးမှူးဦးကျော်စိုးမိုး၊ ရပ်ကွက်အုပ်ချုပ်ရေးမှူးများနှင့်အဖွဲ့ဝင်များက ကြည့်ရှုအားပေးခဲ့ကြောင်း သိရသည်။
အဆိုပါ လေ့ကျင့်ဆောင်ရွက်နေမှုကို မြို့နယ်မီးသတ်ဦးစီးမှူး ဦးကိုကိုလတ်ဦးဆောင်သော သန္ဓေတပ်ဖွဲ့ဝင်(၁၂)ဦး၊ အရန်မီးသတ်တပ်ဖွဲ့ဝင်(၈)ဦး၊ ကြက်ခြေနီတပ်ဖွဲ့ဝင်(၅)ဦး၊ ပရဟိတအဖွဲ့ဝင်(၁၀)ဦးတို့ဖြင့် ရှာဖွေကယ်ဆယ်ရေးလုပ်ငန်းများ၊ သစ်ပင်များခုတ်ထွင်ရှင်းလင်းခြင်းစသည့် လုပ်ငန်းအဆင့်ဆင့်ကို လူနှင့်အသက်ကယ်ပစ္စည်းများ အသုံးပြု၍ ဇာတ်တိုက်လေ့ကျင့်မှု ပြုလုပ်ခဲ့ကြကြောင်း သိရသည်။
ခိုင်ဇာလင်း
https://t.me/MyanmarNationalPost
No comments:
Post a Comment