MNP ၊ မေ ၉
ရခိုင်ပြည်နယ်၊ သံတွဲခရိုင်၊ ကျိန္တလီမြို့၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန (Commumity Centre)ခန်းမတွင် ယနေ့နံနက် ၁၀ နာရီအချိန်က “ရုံးလုပ်ငန်းလက်စွဲ” စာအုပ် အခန်း(၁၅)မှ “ရုံးလုပ်ငန်းများစစ်ဆေးခြင်း” ခေါင်းစဉ်ပါအကြောင်းအရာများဖြင့် စာဖတ်ဝိုင်း ပြုလုပ်ခဲ့သည်။
ထိုသို့ စာဖတ်ဝိုင်းပြုလုပ်ရာတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ မြို့ဦးစီးမှူး ဒေါ်သန်းသန်းလေးက စာဖတ်ဝိုင်းပြုလုပ်ရခြင်း ရည်ရွယ်ချက်အား ရှင်းလင်းပြောကြားပြီး ရုံးလုပ်ငန်းများကို စစ်ဆေးရာတွင် အခြေခံရမည့်အချက်များအား ဆွေးနွေးခဲ့သည်။
ထို့နောက် ရုပ်သံကျွမ်းကျင်-၃ (အင်အားပြ) ဒေါ်ဖြိုးဝေသူက “စစ်ဆေးချက်မှတ်တမ်းထားရှိခြင်း” ခေါင်းစဉ်ပါ အကြောင်းအရာကို လည်းကောင်း၊ အငယ်တန်းစာရေး (အင်အားပြ) ဦးဇော်လင်းက “စစ်ဆေးတွေ့ရှိချက်အစီရင်ခံတင်ပြခြင်း”ခေါင်းစဉ်ပါ အကြောင်းအရာကိုလည်းကောင်း ဆွေးနွေးခဲ့ကြပြီး ဝန်ထမ်းများမှ သိရှိလိုသည်များအား အပြန်အလှန် ဆွေးနွေးခဲ့ကြသည်။
အဆိုပါ “ရုံးလုပ်ငန်းလက်စွဲ”စာအုပ်ကို စာဖတ်ဝိုင်းပြုလုပ်ခြင်းအားဖြင့် ဝန်ထမ်းများသည် ရုံးလုပ်ငန်းနှင့်ပတ်သက်ပြီး ပိုမိုသိရှိနားလည်နိုင်မည်ဖြစ်သည်။
ဇော်လင်း
https://t.me/MyanmarNationalPost
No comments:
Post a Comment