MNP ၊ မေ ၉
ရန်ကုန်အနောက်ပိုင်းခရိုင်၊ ကြည့်မြင်တိုင်မြို့နယ် လူထုအခြေပြုဗဟိုဌာန Community Centre ၌ ကမ္ဘာ့ကြက်ခြေနီနေ့အထိမ်းအမှတ် အသိပညာပေး Talk Show ကို ယမန်နေ့ မွန်းလွဲ ၁ နာရီ က ကျင်းပပြုလုပ်ခဲ့သည်။
အဆိုပါ Talk Show တွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ကြည့်မြင်တိုင်မြို့နယ်ရုံးမှ ဒေါ်ခိုင်ဇာလင်းနှင့် ကြည့်မြင်တိုင်မြို့နယ် ကြက်ခြေနီအသင်း အတွင်းရေးမှူး မြို့နယ်ကြက်ခြေနီတပ်ဖွဲ့မှူး ဦးခိုင်မြတ်တို့က ကမ္ဘာ့ကြက်ခြေနီနေ့ဖြစ်ပေါ်လာပုံ၊ ကမ္ဘာ့ကြက်ခြေနီဖခင်ကြီး အဖြစ်တင်စားခေါ်ဝေါ်ခဲ့သည့် ဆွမ်ဇလန်နိုင်ငံသား မစ္စတာဟန်နရီဒူးနန့်၏ ဆောင်ရွက်ချက်များ၊ ကမ္ဘာ့ကြက်ခြေနီနေ့၌ ကြက်ခြေနီအသင်းဝင်နိုင်ငံတွေမှာ ကြက်ခြေနီအသင်းဝင်များ၏ဆောင်ရွက်ချက်များ၊ ကြက်ခြေနီအသင်းဝင်များ၏ ရည်ရွယ်ချက်၊၂၀၂၃ခုနှစ်အတွက်ဆောင်ပုဒ်၏အနှစ်သာရများ၊ မြို့နယ်ကြက်ခြေနီအသင်းလှုပ်ရှားဆောင်ရွက်မှုများကို ဗဟုသုတဖြစ်စေရန်ဆွေးနွေးခဲ့ကြသည်။
ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ရန်ကုန်အနောက်ပိုင်းခရိုင်၊ ကြည့်မြင်တိုင်မြို့နယ်အနေဖြင့် ပြည်သူများဗဟုသုတရရှိအောင် အသိပညာပေးလုပ်ငန်းများကို စဥ်ဆက်မပြတ် ဆောင်ရွက်ပေးလျက်ရှိကြောင်း သိရသည်။
ခိုင်ဇာလင်း
https://t.me/MyanmarNationalPost
No comments:
Post a Comment