MNP ၊ မေ ၁၂
ပဲခူးတိုင်းဒေသကြီး၊ ပြည်ခရိုင်၊ ရွှေတောင်မြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန လူထုအခြေပြုဗဟိုဌာန (Community Centre )ခန်းမ၌ စာပေချစ်မြတ်နိုးသူများအသင်း ( Book Club) နှင့်ပူးပေါင်း၍ စာစီစာကုံးရေးနည်းသင်တန်းကို ယမန်နေ့နံနက်ပိုင်းက ဖွင့်လှစ်ခဲ့သည်။
ရှေးဦးစွာ စာပေချစ်မြတ်နိုးသူများအသင်း (Book Club) အဖွဲ့ဝင် ဆရာကြီး ဦးမြင့်ဦးက အဖွင့်အမှာစကားပြောကြားပြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ရွှေတောင်မြို့နယ်ရုံးမှ ဦးစီးအရာရှိဒေါ်ငြိမ်းငြိမ်းသန့်က သင်တန်း ဖွင့်လှစ် ရခြင်းနှင့်ပတ်သက်၍ မျိုးဆက်သစ်ကျောင်းသားကျောင်းသူ လူငယ်များ မြန်မာစာပေ၏ အရေးကြီးပုံနှင့် ပိုမိုချစ်မြတ်နိုး တန်ဖိုးထားတတ်စေရန်၊ စဉ်းစားတွေးခေါ်မှုများ တိုးတက်လာစေရန်နှင့် အချိန်ကို အကျိုးရှိစွာ အသုံးပြုတတ်စေရန် ရည်ရွယ်၍ ဖွင့်လှစ်ခြင်းဖြစ်ကြောင်း ရှင်းလင်းပြောကြားခဲ့သည်။
အဆိုပါ စာစီစာကုံးရေးနည်းသင်တန်းတွင် နည်းပြဆရာများအဖြစ် ဒေါ်ခင်ယုနိုင် အေပရယ်ယုနိုင် -ရွှေတောင်၊ ဦးမြင့်ဦး မိတ္တ ရွှေတောင်နှင့် ဒေါ်မြတ်နွယ် April Moon တို့က စာစီစာကုံးရေးသားရတွင် ပါဝင်ရမည့်အချက်များ၊ စာစီစာကုံး၏ အနက်အဓိပ္ပာယ်၊ သဘာဝသရုပ်ဖော် (စိတ်ကူးယဉ်)အမျိုးအစား၊ဗဟုသုတဖြစ်ဖွယ် (ပညာပေး)အမျိုးအစား၊ သမိုင်းကြောင်းနောက်ခံအမျိုးအစားနှင့် စာစီစာကုံး အင်္ဂါ(၃)ရပ် စသည်များကို သင်ကြားပို့ချသွားမည်ဖြစ်ပြီး ကျောင်းသား၊ ကျောင်းသူ (၃၀) ဦး တက်ရောက်ခဲ့ပြီး သင်တန်းကာလ (၃)ရက်သင်ကြားပို့ချသွားမည်ဖြစ်ကြောင်းသိရ သည်။
ကိုကိုမင်း
https://t.me/MyanmarNationalPost
No comments:
Post a Comment