MNP ၊ မေ ၁၁
မွန်ပြည်နယ်၊ ကျိုက်ထိုမြို့နယ် ပြန်ကြားရေးနှင့် ပြည်သူ့ဆက်ဆံရေးဦးစီးဌာနရုံးရှိ လူထုအခြေပြုဗဟိုဌာနခန်းမတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် မြို့နယ်မီးသတ်ဦးစီးဌာန တို့ ပူးပေါင်းပြီးမေ(၁၁)ရက်နေ့ နံနက်(၁၀)နာရီက သဘာဝဘေးမုန်တိုင်းအန္တရာယ်ကာကွယ် ရေး အသိပညာပေး Talk Show ဆွေးနွေးပွဲကိုကျင်းပ ပြုလုပ်ခဲ့သည်။
ဆွေးနွေးပွဲတွင် မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ဦးစီးအရာရှိဒေါ်သန်းသန်းမော် က မုန်တိုင်းဘေးအန္တရာယ်ကိုကြိုတင်ကာကွယ်နိုင်ရန်နှင့် ဘေးကျရောက်လာပါက မီးသတ်ဦးစီးဌာနအနေဖြင့် ရှာ ဖွေ ကာ်ဆယ်ရေးဆောင်ရွက်နိုင်ရန် အသင့်ပြင်ဆင်ထားရှိမှုကို ပြည်သူများသိရှိစေနိုင်ရန်ရည်ရွယ်၍ Talk Show အစီအစဉ် ကျင်းပ ပြုလုပ်ရခြင်းဖြစ်ကြောင်း ရှင်းလင်းပြောကြားခဲ့သည်။
ထို့နောက် မီးသတ်ဦးစီးဌာနမှ ဒုတိယဦးစီးမှူ ဦးရဲညွန့်ထွေးက ဘေးအန္တရာယ်ကြိုတင်ကာကွယ် ရေး ရှာဖွေကယ်ဆယ်ရေးဆောင်ရွက်နိုင်ရန်အသင့်ပြင်ဆင်စုဖွဲ့ထားမှု ဘေးအန္တရာယ်ဖြစ်နေချိန်တွင် ရှာဖွေကယ်ဆယ်ရေးလုပ်ငန်းဆောင်ရွက်မည့်နည်းလမ်းများ၊ဘေးဖြစ်ပြီးချိန်တွင်ပြန်လည်ထူထောင်ရေးဆောင်ရွက်မည့်နည်းလမ်းများကို အကျယ် တဝင့် ရှင်းလင်းဆွေးနွေး ခဲ့ ကြောင်းသိရသည်။
ကျိုက်ထိုမြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနအနေဖြင့် ယခုလိုသဘာဝဘေးအန္တရာယ် ကြိုတင် ကာကွယ် ရေးအသိပညာပေးဆွေးနွေးပွဲ Talk Show အစီအစဉ်များရိုက်ကူးထုတ်လွှင့်ခြင်းအပါအဝင် ပြည်သူအသိပညာပေးဝန်ဆောင်မှုလုပ်ငန်းများကို ဆောင်ရွက်လျှက်ရှိကြောင်း သိရသည်။
https://t.me/MyanmarNationalPost
No comments:
Post a Comment