MNP ၊ ဇွန် ၂၂
ကချင်ပြည်နယ်၊ မိုးညှင်းခရိုင်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ကျင်းပသည့် အပြည်ပြည်ဆိုင်ရာ မူးယစ်ဆေးဝါးအလွဲသုံးမှုနှင့် တရားမဝင် ရောင်းဝယ်မှု တိုက်ဖျက်ရေးနေ့ အထိမ်းအမှတ်အကြို ပြပွဲနှင့် ပြိုင်ပွဲများကို ယမန်နေ့ နံနက်ပိုင်းက လူထုအခြေပြုဗဟိုဌာနခန်းမ၌ ကျင်းပသည်။
အဆိုပါ ကျင်းပရာတွင် ကျောင်းသား၊ ကျောင်းသူများနှင့် လူငယ်လူရွယ်များ မူးယစ်ဆေးဝါး၏ အန္တရာယ်မှ ရှောင်ရှားတတ်စေရန်၊ လမ်းမှားသို့မရောက်ရှိစေရန်၊ စာကြည့်တိုက်နှင့် ရင်းနှီးပြီး လူအများရှေ့တွင် ရဲရဲဝံ့ဝံ့ပြောဆိုတတ်စေရန်နှင့် အသိပညာဗဟုသုတများ တိုးပွားစေရန်ရည်ရွယ်ပြီး မူးယစ်ဆေးဝါးနှင့် ပတ်သက် သည့် နံရံကပ်စာစောင်ပြပွဲ၊ စာအုပ်စာစောင်ပြပွဲနှင့် စာစီစာကုံးပြိုင်ပွဲ၊ ကဗျာရွတ်ဆိုပြိုင်ပွဲများကို ကျင်းပရာ အခြေခံပညာ အထက်တန်းကျောင်းခွဲ (နားခါ)မှ အလယ် တန်းဆင့် ကျောင်းသား၊ ကျောင်းသူ (၃၀)ဦးတို့ ဝင်ရောက်ယှဉ်ပြိုင်ခဲ့ကြကြောင်း သိရသည်။
ထို့နောက် စာစီစာကုံးပြိုင်ပွဲနှင့် ကဗျာရွတ်ဆိုပြိုင်ပွဲများမှ ဆုရကျောင်းသား၊ ကျောင်းသူများကို ဇွန်လ (၂၂)ရက်တွင် ခရိုင်ပြန်/ဆက်ဦးစီးဌာနမှ တာဝန်ရှိသူများက ဆုများအသီးသီးချီးမြှင့်သွား မည်ဖြစ် ကြောင်း သိရသည်။
https://t.me/MyanmarNationalPost
No comments:
Post a Comment