MNP ၊ ဇွန် ၂၀
မြောက်ပိုင်းတိုင်းစစ်ဌာနချုပ်၏ အသံမစဲပဋ္ဌာန်းရွတ်ဖတ်ပူဇော်ပွဲကို ယနေ့ညနေပိုင်း တွင် မြစ်ကြီးနားမြို့၊ အံတော်ရှင်တောင်တန်းသာသနာပြုဗဟိုကျောင်း၌ ပြုလုပ်ရာ အဆိုပါ ကျောင်းတိုက် ဆရာတော် ဘဒ္ဒန္တဉာဏဓဇ အမှူးပြုသောသံဃာတော်များ ကြွရောက်တော်မူ ကြပြီး ဒုတိယတိုင်းမှူးနှင့် အရာရှိ၊ စစ်သည်၊ မိသားစုများ တက်ရောက်ကြသည်။
ဦးစွာ ဒုတိယတိုင်းမှူးနှင့် တက်ရောက်လာကြသူများက အံတော်ရှင်ကျောင်းတိုက် ဆရာတော်ထံမှ ငါးပါးသီလခံယူဆောက်တည်ကြပြီး ရွှေရတနာပုံကျောင်းတိုက် ဆရာတော်က ရောင်ခြည်တော်ပွင့်ဂါထားကို ရွတ်ဖတ်ပူဇော်သည်။ ထို့နောက် အလှည့်ကျ ဆရာတော်များက ပဋ္ဌာန်းဒေသနာတော်ကို ရွတ်ဖတ်ပူဇော်ကြသည်။
အဆိုပါ အသံမစဲမဟာပဋ္ဌာန်းရွတ်ဖတ်ပူဇော်ပွဲကို ဇွန် ၂၅ ရက်အထိ ရွတ်ဖတ်ပူဇော် သွားမည်ဖြစ်ကြောင်း သတင်းရရှိသည်။
#MyanmarNationalPost
No comments:
Post a Comment