MNP ၊ ဇွန် ၁၉
ရခိုင်ပြည်နယ်၊စစ်တွေခရိုင်၊ရသေ့တောင်မြို့နယ်အတွင်းရှိ မိုခါ ဆိုင်ကလုန်းမုန်တိုင်းကြောင့်သောက်သုံးရေအခက်အခဲဖြစ်နေသည့် ပြည်သူများအား မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနက ကြီးမှူး၍ ယမန်နေ့ နံနက်ပိုင်းက ရသေ့တောင်မြို့တောင်ရင်းတန်းရပ်ကွက်ဂူဝကန်မှရေကိုရေသန့်စင်ကား IR9489 ဖြင့်သန့်ရှင်းသောသောက်သုံးရေများအားဖြန့်ဝေပေးမှုအခြေအနေနှင့်တောင်ရင်းတန်းရပ်ကွက် မြတ်သာကန်အနီးအဝီစိတွင်းတူးဖော်ဆောင်ရွက်မှုအခြေအနေ များအားဒုတိယညွှန်ကြားရေးမှူးချုပ်ဦးမောင်ဝင်းနှင့်တာဝန်ရှိသူများကကြည့်ရှုစစ်ဆေးခဲ့ကြောင်းသိရှိရသည်။
ရသေ့တောင်မြို့နယ်အတွင်းနွေရာသီရေရှားပါးမှုကြုံနေရပြီး မိုခါ ဆိုင်ကလုန်းမုန်တိုင်းကြောင့် ရေကန်အများစုမှာဆားငံရေဝင်သွားခြင်းကြောင့်သောက်သုံးရေအခက်အခဲများဖြစ်ပေါ်လျှက်ရှိခဲ့ရာယခုအခါ ရသေ့တောင် မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှဦးစီးပြီးရေသန့်စင်ကား(၂)စီးဖြင့်မြို့ပေါ်ရပ်ကွက်(၄) ကွက်ရှိပြည်သူများ၊ယာယီနေရပ်စွန့်ခွာသူများ၊ကျေးရွာများနှင့်လေဘေးဒါဏ်သင့်ပြည်သူများထံသို့ ၂၂.၅.၂၃ ရက်နေ့မှသောက်ရေများစတင်ဖြန့်ဝေခဲ့ရာ ယနေ့အချိန်ထိ ဖြန့်ဝေလျှက်ရှိကြောင်း တာဝန်ရှိသူများထံမှသိရှိသည်။
https://t.me/MyanmarNationalPost
No comments:
Post a Comment