MNP ၊ ဇွန် ၆
မကွေးတိုင်းဒေသကြီး နတ်မောက်မြို့၌ ဌာနဆိုင်ရာအကြီအကဲများ၊ ရပ်ကွက်အုပ်ချုပ်ရေးမှူးများဖြင့် လုပ်ငန်းညှိနှိုင်းအစည်းအဝေးကို ယမန်နေ့နံနက် ၁၀ နာရီအချိန်က မြို့နယ်အထွေထွေအုပ်ချုပ်ရေးဦးစီးဌာန အစည်းအဝေးခန်းမတွင် ကျင်းပခဲ့သည်။
ရှေးဦးစွာ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌမှ ကျောင်းဖွင့်ရာသီဖြစ်သည့်အတွက် ကျောင်းသား/သူများလုံခြုံရေးအတွက် အထူးဂရုပြုဆောင်ရွက်ပေးစေလိုကြောင်း၊ ကျောင်းတက်/ဆင်းချိန်များတွင် ယာဉ်အန္တရာယ်ကင်းရှင်းရေးဆောင်ရွက်စေလိုပါကြောင်း၊ စိုက်ပျိုးစွမ်းအားမြှင့်တင်ရေးတွင် သီးနှံစိုက်ပျိုးထုတ်လုပ်နိုင်ရန်လုပ်ငန်းများဆောင်ရွက်ရာတွင် သက်ဆိုင်ရာဌာနများအနေဖြင့် တောင်သူများဖြင့် ပေါင်းစပ်လုပ်ကိုင်ကြရန်၊ အပတ်စဉ်သောကြာနေ့များတွင် မိမိရုံးဌာနများ၌ သန့်ရှင်းရေးဆောင်ရွက်စေလိုပါကြောင်းနှင့် အပတ်စဉ်စနေနေ့တွင် ဌာနဆိုင်ရာများစုပေါင်း၍ သန့်ရှင်းရေးလုပ်ငန်းများ ဆောင်ရွက်သွားကြရန် ရှင်းလင်းပြောကြားခဲ့သည်။ ဆက်လက်၍ တက်ရောက်လာကြသည့် ဌာနဆိုင်ရာများက မိမိတို့ဌာနအလိုက်လုပ်ငန်းဆောင်ရွက်နေမှုအခြေအနေများကို ရှင်းလင်းပြောကြားခဲ့ပြီး ရပ်ကွက်အုပ်ချုပ်ရေးမှူးများကလည်း သိရှိလိုသည်များကို ပြန်လည်မေးမြန်းဆွေးနွေးခဲ့ကြကြောင်း သိရသည်၊။
လှဝင်း
https://t.me/MyanmarNationalPost
No comments:
Post a Comment