MNP ၊ မေ ၁
ရခိုင်ပြည်နယ် ပေါက်တောမြို့နယ်တွင် ၂၀၂၃-၂၀၂၄ ပညာသင်နှစ် အခြေခံပညာ ကျောင်းများကို ယနေ့ နံနက်ပိုင်းတွင် စတင်ဖွင့်လှစ်၍ သက်ဆိုင်ရာ အတန်းအလိုက် ဆရာဆရာမများက သင်ခန်းစာများ သင်ကြားပို့ချပေးလျက်ရှိသည်။
ပေါက်တောမြို့နယ်တွင် အခြေခံပညာ အထက်တန်း၊အလယ်တန်း၊မူလတန်းကျောင်း စုစုပေါင်း ၁၇၀ ကျောင်း၊ ဘုန်းတော်ကြီးသင်ကျောင်း အထက်တန်း၊အလယ်တန်း၊ မူလတန်းကျောင်း စုစုပေါင်း ၁၄ ကျောင်း၊ကိုယ်ပိုင်ကျောင်း အထက်တန်း၊အလယ်တန်း၊ မူလတန်းကျောင်း စုစုပေါင်း ၂ ကျောင်း၊ စုစုပေါင်း ၁၈၆ ကျောင်းများကို စတင်ဖွင့်လှစ်ပြီး ယနေ့တွင် ကျောင်းသား ကျောင်းသူ စုစုပေါင်း ၁၈၄၂၅ ဦးတက်ရောက်ပညာသင်ကြား လျက်ရှိကြောင်း မြို့နယ်ပညာရေးမှူးရုံး မှသိရသည်။
ထို့ပြင် ကျောင်းတက်ရောက်ကြသည့် ကျောင်းသား ကျောင်းသူများကို ဆရာ ဆရာမများနှင့် တာဝန်ရှိသူများက စနစ်တကျဆောင်ရွက်ပေးလျက်ရှိရာ ဗိုလ်မှူးချုပ် ဆန်နီအုန်း နှင့် တာဝန်ရှိသူများ၊ဌာနဆိုင်ရာ တာဝန်ရှိသူများ က သွားရောက်ကြည့်ရှု၍ ကျောင်းသား ကျောင်းသူများအတွက် ကျောင်းဝတ်စုံ နှင့် စာရေးကိရိယာများ ထောက်ပံ့ ပေးအပ်ပြီး ဆရာ ဆရာမများ နှင့် ကျောင်းသား ကျောင်းသူများကို ရင်းရင်းနှီးနှီး တွေ့ဆုံအားပေးစကားပြေားကြားခဲ့ကြောင်း သိရသည်။
ဝင်းမင်းစိုး
https://t.me/MyanmarNationalPost
No comments:
Post a Comment