MNP ၊ ဇွန် ၁၉
မေလ(၁၄)ရက်နေ့က မိုခါမုန်တိုင်းတိုက်ခတ်မှုကြောင့် ရခိုင်ပြည်နယ်၊ ပုဏ္ဏားကျွန်းမြို့နယ်ပြန်လည်ထူ ထောင်ရေးလုပ်ငန်းများအား ဗိုလ်မှူးချုပ် ဝင်းမောင်နှင့်တာဝန်ရှိသူများသည် ယနေ့၊ နံနက်(၁၀)နာရီက မြို့ပေါ်ရှိ အခြေခံပညာကျောင်းများနှင့်ဌာနဆိုင်ရာရုံးဌာနများသို့ ပြန်လည် ထူထောင်ရေးလုပ်ငန်းများ ဆောင်ရွက်ပြီးစီးမှု အခြေအနေတို့ကို ကွင်းဆင်းကြည့်ရှု စစ်ဆေးခဲ့ကြသည်။
ထိုသို့စစ်ဆေးရာတွင် ပုဏ္ဏားကျွန်းမြို့နယ်ပြန်လည်ထူထောင်ရေးလုပ်ငန်းတာဝန်ခံ ဗိုလ်မှူးချုပ် ဝင်းမောင်၊ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးမောင်စံဝင်းနှင့်အဖွဲ့ဝင်တို့ သည် အမှတ်(၄) မူ/လွန်(ရွာဟောင်း)၊မူ/လွန်(မြို့သစ်)၊ အထက(ပုဏ္ဏားကျွန်း)နှင့် ဌာနဆိုင်ရာရုံးဌာနများ ပြန်လည်ထူထောင်ရေးလုပ်ငန်းများ ဆောင်ရွက်ပြီးစီးမှုအခြေအနေနှင့်ဆောင်ရွက်ရန် လိုအပ်သည့် အခြေ အနေတို့ကို ကွင်းဆင်းကြည့်ရှုစစ်ဆေးခဲ့ကြပြီး၊ လိုအပ်သည်များကို ဆောက်လုပ်ရေးတာဝန်ခံ အင်ဂျင်နီ ယာများနှင့်ညှိနှိုင်းပေါင်းစပ်ဆောင် ရွက်ပေးခဲ့သည်။
ထိုနောက် ဗိုလ်မှူးချုပ်ဝင်းမောင်နှင့်တာဝန်ရှိသူများသည် ပုဏ္ဏားကျွန်းမြို့သုဿာန်သို့ သွားရောက်ပြီး၊ နာရေးကူညီမှုအသင်းနှင့်တွေ့ဆုံကာ မိုခါမုန်တိုင်းတိုက်ခတ်မှုကြောင့် နာရေး ကားနားနေဆောင်ပြိုလဲပျက်စီးမှုနှင့်အမိုးလန်ပျက်စီးခဲ့သော သုဿာန်ဇရပ်ခေါင်မိုးများအား ပြန်လည်ပြုပြင်ပြီးစီးမှုအခြေအနေတို့ကို ကြည့်ရှုစစ်ဆေးပြီး၊ လိုအပ်သည်များကို တာဝန်ရှိသူများနှင့်ပေါင်းစပ်ညှိနှိုင်းဆောင်ရွက်ပေးခဲ့ကြောင်းသိရသည်။
နီထွန်းအောင်
https://t.me/MyanmarNationalPost
No comments:
Post a Comment