MNP ၊ မေ ၁
ရခိုင်ပြည်နယ် ၊ တောင်ကုတ်ခရိုင် ၊ တောင်ကုတ်မြို့နယ်တွင် ၂၀၂၃-၂၀၂၄ ပညာသင်နှစ်၏ အခြေခံ ပညာအထက်တန်း ၊ အလယ်တန်း ၊ မူလတန်းကျောင်းများအားလုံးကို ယနေ့နံနက်ပိုင်းမှစတင်၍ ဖွင့်လှစ်နေပြီဖြစ်ရာ ကျောင်းသား ၊ ကျောင်းသူများ ပျော်ရွှင်စွာ တက်ရောက်လျက်ရှိကြောင်းသိရသည်။
အဆိုပါ အခြေခံပညာအထက်တန်း ၊ အလယ်တန်း ၊ မူလတန်းကျောင်းများဖွင့်လှစ်နေမှုအား ခရိုင်စီမံ အုပ်ချုပ်ရေးအဖွဲ့ ဥက္ကဌ ဦးကျော်မြင့်လှိုင်နှင့်အဖွဲ့ဝင်များ ၊ ခရိုင်နှင့်မြို့နယ်ပညာရေးမှူးရုံးများမှ ပညာရေးမှူး နှင့်တာဝန်ရှိသူများက အမှတ်(၁) ၊ အမှတ်(၂) ၊ အမှတ်(၄)အခြေခံပညာအထက်တန်းကျောင်းများနှင့်အခြေခံ ပညာမူလတန်းကျောင်းများကို လှည့်လည်ကြည့်ရှုကာ လိုအပ်သည်များကို ကူညီဆောင်ရွက် ပေးခဲ့ကြောင်း သိရသည်။
တောင်ကုတ်မြို့နယ် တွင် အခြေခံပညာအထက်တန်းကျောင်း (၁၂)ကျောင်း ၊ အထက(ခွဲ) (၁၅)
ကျောင်း ၊ အလက(၁၂)ကျောင်း ၊ အလက(ခွဲ)(၁၇)ကျောင်း ၊ အခြေခံပညာမူလတန်း(မူလွန်)ကျောင်း(၃၅) ကျောင်း ၊ အမက(၉၉)ကျောင်း ၊ အမက(ခွဲ) (၂၆)ကျောင်း ၊ ကိုယ်အထက်တန်းကျောင်း(၄)ကျောင်းနှင့် ဘုန်းတော်ကြီးသင်ပညာကျောင်း(၄)ကျောင်း ရှိကြောင်း မြို့နယ်ပညာရေးမှူး ဦးကျော်ထွန်းအောင် ထံမှ သိရသည်။
https://t.me/MyanmarNationalPost
No comments:
Post a Comment