MNP ၊ ဇွန် ၂၃
ရခိုင်ပြည်နယ် မောင်တောမြို့တွင် ပြန်လည်ထူထောင်ရေးအတွက် ရောက်ရှိနေသော ဗိုလ်မှူးချုပ် တင်ဆွေသည် မုန်တိုင်းဘေးဒဏ်ခံခဲ့ရသော ဌာနဆိုင်ရာများ နှင့် ပြည်သူများအားထောက်ပံ့ပစ္စည်းများ ပေးအပ်ခြင်းကို ယနေ့ နေ့လယ် ၁ နာရီအချိန် သာသနာ့ဗိမာန်တွင် ကျင်းပပြုလုပ်ခဲ့သည်။
ရှေးဦးစွာ ပြန်လည်ထူထောင်ရေးအတွက် ရောက်ရှိနေသော ဗိုလ်မှူးချုပ် တင်ဆွေက မိုခါမုန်တိုင်းဘေးကြောင့် ဒေသ အတွင်း ပျက်စီးမှုများရှိခဲ့သဖြင့် ပျက်စီးခဲ့သောဒေသများသို့ နိုင်ငံတော်မှ ထောက်ပံ့ပစ္စည်းများပေးအပ်မှုနှင့် ပတ် သက်၍ အမှာစကားပြောကြားခဲ့သည်။ ထို့နောက်မုန်တိုင်းဘေးကြောင့် လေဘေးသင့်ခဲ့သော ရပ်ကွက်ကျေးရွာ အုပ်စု များ ရှိ ပြည်သူများနှင့် ဌာနဆိုင်ရာဝန်ထမ်းများ ၊ အမျိူးသမီးရေးရာ နှင့် မိခင်ကလေးစောင့်ရှောက်ရေးအသင်းတို့အား ပြန် လည် ထူထောင်ရေး အတွက် ရောက်ရှိနေသော ဗိုလ်မှူးချုပ် တင်ဆွေ ၊ ခရိုင်စီမံ အုပ်ချုပ် ရေး အဖွဲ့ဉက္ကဋ္ဌ ဦးနေဦး ၊ မြို့နယ်စီမံ အုပ်ချုပ် ရေးအဖွဲ့ဉက္ကဋ္ဌ ဦးကံထွန်းအောင် တို့က ဆန် ၊ဆီ ၊ ခေါက်ဆွဲခြောက် ၊ ဂတ်(စ်)အိုး နှင့် ဂတ်(စ်)ဗူးတို့အား ထောက်ပံ့ ပေးအပ်ရာ သက်ဆိုင်ရာတာဝန်ရှိသူများက အသီးသီးလက်ခံရယူခဲ့ကြသည်။ ထို့သို့ ထောက်ပံ့ပေးအပ်ရာတွင် ဆန် ၁၁၁၅ အိတ် ၊ ဆီ ၁၃၁၀ ဗူး၊ခေါက်ဆွဲခြောက် ၂၀၄၂၃ ထုတ် ၊ ဂတ်(စ်)မီးဖို ၁၇၅ ခု ၊ ဂတ်(စ်)ဘူး ၇၀၀ ဗူး တို့ဖြစ်ကြောင်းသိရသည်။
အဆိုပါအခမ်းအနားသို့ ခရိုင်/မြို့နယ်အဆင့် ဌာနဆိုင်ရာများ ၊ အမျိုးသမီးရေးရာအဖွဲ့ဝင်များ ၊ မိခင် နှင့်ကလေး စောင့် ရှောက်ရေးအသင်းအဖွဲ့များ ၊ရပ်ကွက်ကျေးရွာအုပ်ချုပ်ရေးမှူးများ နှင့် ပြည်သူများ စုစုပေါင်းအင်အား ၂၂၀ ဦးခန့် တက်ရောက်ခဲ့ကြ ကြောင်း သိရသည်။
သက်လွင်စိုး ၊ အောင်ကျော်စိန်
https://t.me/MyanmarNationalPost
No comments:
Post a Comment