MNP ၊ ဇွန် ၂၁
ပဲခူး တိုင်းဒေသကြီး ၊ ပြည်ခရိုင် ၊ရွှေတောင်မြို့နယ် အထက ( ရွှေတောင်) နှင့်အထက ( ကြာနီကန်) ကျောင်းများရှိ ၂၀၂၃ - ၂၀၂၄ပညာသင်နှစ် KG စတင်တက်ရောက်နေသောအသက် ( ၅) နှစ် ပြည့်ပြီးသည့် ကျောင်းသား / ကျောင်းသူများအား ကိုဗစ် - ၁၉ရောဂါကာကွယ်ဆေးထိုးနှံခြင်းကိုယမန့်နေ့ နေ့လယ်ပိုင်းက. ထိုးနှံပေးခဲ့သည်။
အဆိုပါ ကိုဗစ် - ၁၉ရောဂါကာကွယ်ဆေးထိုးနှံရာကျောင်းများသို့ မြို့နယ်စီမံအုပ်ချုပ်ရေးအဖွဲ့ဥက္ကဌဦးဟံဝင်းအောင်နှင့်အဖွဲ့ဝင်များ၊မြို့နယ်ပြည်သူ့ကျန်းမာရေးဦးစီးဌာနမှူး ဒေါက်တာအောင်မျိုးသန့်နှင့် ကျန်းမာရေးဝန်ထမ်းများ၊ မြို့နယ်ပညာရေးမှူး ဦးကျော်ဦး နှင့် ဆရာ / ဆရာမများ ၊ရပ်ကွက်အုပ်ချုပ်ရေးမှူးရုံးအဖွဲ့ဝင်များမှ သွားရောက်၍ လိုအပ်သည်များကူညီပံ့ပိုးဆောင်ရွက်ခဲ့ကြသည်။
ရွှေတောင်မြို့နယ်အတွင်းကိုဗစ် - ၁၉ရောဂါကူးစက်မှုကို ဟန့်တားနိုင်ရေးအတွက် ပညာရေးဝန်ကြီးဌာန လက်အောက်ရှိ အခြေခံပညာကျောင်းများတွင် ၂၀၂၃ - ၂၀၂၄ပညာသင်နှစ်၌ KG စတင်တက်ရောက်နေသောအသက် ( ၅) နှစ် ပြည့်ပြီးသည့် ကျောင်းသား / ကျောင်းသူများ၊ ဘုန်းတော်ကြီးသင်ပညာရေးကျောင်းများ၊ပုဂ္ဂလိကကျောင်းများအား
ကိုဗစ် - ၁၉ရောဂါကာကွယ်ဆေးထိုးနှံပေးခြင်း၊အသက် ( ၁၂) နှစ်မှ အသက် ( ၁၈) နှစ်အတွင်းရှိကျောင်းသား / ကျောင်းသူများအား ထပ်ဆောင်းကာကွယ်ဆေး ( ဒုတိယ အကြိမ်) ထိုးနှံပေးခြင်း၊အသက် ( ၁၈) နှစ်အထက်ပြည်သူများအားကိုဗစ် - ၁၉ရောဂါကာကွယ်ဆေးများကို ကျန်းမာရေးဝန်ကြီးဌာန၏ လမ်းညွှန်ချက်နှင့်အညီ ထိုးနှံပေးသွားမည်ဖြစ်ကြောင်းသိရသည်။
ကိုကို မင်း
https://t.me/MyanmarNationalPost
No comments:
Post a Comment