MNP ၊ ဇွန် ၂၈
ပဲခူးတိုင်းဒေသကြီး၊ ပြည်ခရိုင်၊ ပေါက်ခေါင်းမြို့နယ် အ.ထ.က(ပေါက်ခေါင်း)မှ ၂၀၂၂-၂၀၂၃ ပညာသင်နှစ်တွင် ဒသမတန်းမှလူရည်ချွန်မကြည်ဖြူခင်၏ "လူရည်ချွန်" အတွေ့အကြုံရှင်းလင်းပွဲအခမ်းအနားကို ဇွန်လ ၂၆ ရက်နေ့ မွန်းလွဲပိုင်းက အ.ထ.က(ပေါက်ခေါင်း)ရွှေရတုခန်းမတွင် ကျင်းပပြုလုပ်သည်။
အခမ်းအနားတွင် ဦးစွာ အ.ထ.က(ပေါက်ခေါင်း)မှကျောင်းအုပ်ဆရာကြီးဦးညွန့်ဝင်းက ဂုဏ်ပြုအမှာစကားပြောကြားပြီး လူရည်ချွန်မကြည်ဖြူခင်အား ဂုဏ်ပြုဆုငွေချီးမြှင့်ပေးအပ်ခဲ့သည်။ ယင်းနောက် ၂၀၂၂-၂၀၂၃ ပညာသင်နှစ် ဒသမတန်းလူရည်ချွန်မကြည်ဖြူခင်မှ လူရည်ချွန်လေ့လာရေးခရီးစဉ်အတွေ့အကြုံများ၊ လူရည်ချွန်တစ်ယောက်ဖြစ်လာရန် စာပေအပြင်အခြားလေ့လာကြိုးစားအား ထုတ်ခဲ့ပုံများကို အထက်တန်းအဆင့်ကျောင်းသား၊ ကျောင်းသူများအား အတုယူမှတ်သားဖွယ် ရှင်းလင်းပြောကြားခဲ့သည်။ အဆိုပါအခမ်းအနားသို့ အ.ထ.က(ပေါက်ခေါင်း)မှ ကျောင်းအုပ်ဆရာကြီးနှင့် ဆရာ၊ ဆရာမများ၊ အခြေခံပညာအထက်တန်းအဆင့်ကျောင်းသား၊ ကျောင်းသူများတက်ရောက်ခဲ့ကြောင်း သိရသည်။
သန်းထွန်းအောင်
https://t.me/MyanmarNationalPost
No comments:
Post a Comment