MNP ၊ ဇွန် ၂၂
ချင်းပြည်နယ် မြေအသုံးချမှုဆိုင်ရာ လုပ်ငန်းညှိနှိုင်းအစည်းအဝေးကို ဇွန်လ ၂၀ ရက် မွန်းလွဲ ၂ နာရီက ဟားခါးမြို့၊ ချင်းပြည်နယ်အစိုးရအဖွဲ့ရုံး၊ အစည်းအဝေးခန်းမ၌ကျင်းပရာ ချင်းပြည်နယ် ဝန်ကြီးချုပ် ဒေါက်တာဝုန်ဆွန်းထန် တက်ရာက်အမှာစကားပြောကြားသည်။
အစည်းအဝေးတွင် ချင်းပြည်နယ်ဝန်ကြီးချုပ် ဒေါက်တာဝုန်ဆွန်းထန်က ချင်းပြည်နယ်မြေ အသုံးချမှု ကောင်စီကို ပြည်နယ်ဝန်ကြီးချုပ်၊ အစိုးရအဖွဲ့ဝင်ဝန်ကြီး (၅) ဦး၊ ပြည်နယ်အဆင့် ဌာနဆိုင်ရာ (၁၀) ဦး၊ ဒေသခံရပ်မိရပ်ဖကိုယ်စားလှယ် (၈) ဦးနှင့် ကျွမ်းကျင်ပညာရှင် (၂) ဦး ၊ စုစုပေါင်း (၂၆) ဦးဖြင့် ဖွဲ့စည်းထားရှိမှုနှင့် ချင်းပြည်နယ်မြေအသုံးချမှုဆိုင်ရာကိစ္စနှင့် စပ်လျဉ်း၍ လုပ်ငန်းတာဝန်များကို ရှင်းလင်းချပြပြီး ယခင်အစည်းအဝေး ဆုံးဖြတ်ချက်များအပေါ် ဆောင်ရွက်ပြီးစီးမှုများကို ပြန်လည် စိစစ်၍ ဆက်လက်ဆောင်ရွက်ရမည့် အချက်များကို အစည်းအဝေး တက်ရောက်လာသူများက ဝိုင်းဝန်း ဆွေးနွေးတင်ပြ ပေးစေလိုကြောင်းဖြင့် အမှာစကားပြောကြား သည်။
ယင်းနောက် ပြည်နယ်မြေအသုံးချမှုကော်မတီ အတွင်းရေးမှူး ပြည်နယ်သစ်တောဦးစီးဌာန၊ ပြည်နယ်ဦးစီးမှူး၊ တွဲဖက်အတွင်းရေးမှူး ပြည်နယ်လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာန၊ ပြည်နယ်ဦးစီးမှူးနှင့် အစည်းအဝေးတက်ရောက်လာကြသည့် ပြည်နယ်အဆင့် ဌာနဆိုင်ရာများက မိမိတို့ကဏ္ဍအလိုက် ယခင်အစည်းအဝေး ဆုံးဖြတ်ချက်များအပေါ် ဆောင်ရွက် ပြီးစီးမှုနှင့် ဆက်လက် ဆောင်ရွက်မည့် အစီအမံများကို ရှင်းလင်းတင်ပြကြသည်။
ထို့နောက် တင်ပြချက်များအပေါ် ပြည်နယ်သယံဇာတရေးရာဝန်ကြီး ဦးကျော်ငြိမ်း၊ ပြည်နယ် လမ်းပန်းဆက်သွယ်ရေးဝန်ကြီး ရဲမှူးကြီး စိုးလွင်မိုးနှင့် ပြည်နယ်ဥပဒေချုပ် ဦးဆွန်ဒုတ်ကျင်တို့က အကြံပြု ဖြည့်စွတ်ဆွေးနွေးတင်ပြကြပြီး ပြည်နယ်ဝန်ကြီးချုပ်က လိုအပ်ချက်များ ပေါင်းစပ်ညှိနှိုင်း ဆောင်ရွက်ပေးကာ နိဂုံးချုပ်အမှာစကားပြောကြားခဲ့ကြောင်း သိရသည်။
https://t.me/MyanmarNationalPost
No comments:
Post a Comment