MNP ၊ ဇွန် ၂၆
ကရင်ပြည်နယ် မြဝတီခရိုင်၊ စုကလိမြို့တွင် အစေ့ထုတ်ပြောင်းများအား ထိုင်းနိုင်ငံနှင့် အကျိုးတူ ပူးပေါင်း၍ စိုက်ပျိုးကြရာ ယခုနှစ်တွင် သတ်မှတ်ဧကထက် ပိုမိုစိုက်ပျိုးနိုင်ရေး အလေးထား ဆောင်ရွက်လျက်ရှိသည်။ အစေ့ထုတ်ပြောင်းများအား ထိုင်းနိုင်ငံမှ တင်သွင်းသည့် မျိုးစေ့ အမျိုးအစား ၃၂၅၈၊ ၅၀၈၊ ၇၇၊၆၅၊ ၆၂၅၃ မျိုးများ စိုက်ပျိုးကြပြီး စိုက်ပျိုးချိန်ကာလတွင်လည်းကောင်း၊ ဓာတ်မြေသြဇာများ ကြဲပက်ချိန်တွင်လည်းကောင်း၊ ပေါင်းမြက်များ နှိမ်နှင်းချိန်တို့ထိ ထောက်ပံ့ပစ္စည်းများအား အချိုးကျသုံးစွဲနိုင်ရေးတို့ကို ဆောင်ရွက်ခဲ့သည်။
အစေ့ထုတ်ပြောင်းများအား စုကလိမြို့တွင် ပြောင်းစိုက်ဧကအနေဖြင့် ၇၅၉၀ ဧက သတ်မှတ်ထားပြီး မေလအထိ စိုက်ပျိူးပြီးစီးမှု ၁၀၅ ဧက အထိစိုက်ပျိုး ပြီးစီးပြီး ဖြစ်သည်။ စုကလိမြို့တွင် မိပါးအုပ်စု၊ မဲကုလားအုပ်စု၊ တာအုပ်အုပ်စုများတွင် အစေ့ထုတ်ပြောင်းများအား စီးပွားဖြစ် စိုက်ပျိုးအောင်မြင် ဖြစ်ထွန်းလျက် ရှိပြီး လိုအပ်သည့် နည်းပညာအချက်အလက်များအား ဆုံဆည်းမြိုင် ကျေးရွာတွင် စိုက်ပျိုးရေးဦးစီးဌာနမှ ဖွင့်လှစ်ထားရှိသော နည်းပညာ ပြန့်ပွားရေးစင်တာမှ ကူညီပေးလျက်ရှိကြောင်း သိရှိရသည်။
ပိုပိုအောင်
https://t.me/MyanmarNationalPost
No comments:
Post a Comment