ရုရှား-မြန်မာဆက်ဆံ ရေးကဏ္ဍတွင် ရုရှားဖက်ဒရေးရှင်းနိုင်ငံ ရှေ့နေချုပ်ရုံး နှင့် ဥပဒေရေးရာဝန်ကြီးဌာနတို့အကြား ပိုမိုနီးကပ်စွာပူးပေါင်းဆောင်ရွက်ရေး ဆွေးနွေး - MyanmarNationalPost

MyanmarNationalPost

News Agency

Breaking

ရုရှား-မြန်မာဆက်ဆံ ရေးကဏ္ဍတွင် ရုရှားဖက်ဒရေးရှင်းနိုင်ငံ ရှေ့နေချုပ်ရုံး နှင့် ဥပဒေရေးရာဝန်ကြီးဌာနတို့အကြား ပိုမိုနီးကပ်စွာပူးပေါင်းဆောင်ရွက်ရေး ဆွေးနွေး


MNP ၊ ဇွန် ၂၉

ဥပဒေရေးရာဝန်ကြီးဌာန ပြည်ထောင်စုဝန်ကြီးနှင့် ပြည်ထောင်စုရှေ့နေချုပ် ဒေါက်တာသီတာဦးသည်တာဝန်ပြီးဆုံး၍ ပြန်လည်ထွက်ခွာမည့် မြန်မာနိုင်ငံဆိုင်ရာ ရုရှားဖက်ဒရေးရှင်းနိုင်ငံ သံအမတ်ကြီး H.E. Dr.Nikolay Listopadov အား ယမန်နေ့က ဝန်ကြီးဌာနဧည့်ခန်းမ၌လက်ခံ တွေ့ဆုံသည်။

တွေ့ဆုံစဉ် ရုရှား-မြန်မာ ကောင်းမွန်သည့် ဆက်ဆံရေးထူထောင်နိုင်မှု၊ ရုရှား-မြန်မာဆက်ဆံ ရေးကဏ္ဍတွင် ရုရှားဖက်ဒရေးရှင်းနိုင်ငံ ရှေ့နေချုပ်ရုံး နှင့် ဥပဒေရေးရာဝန်ကြီးဌာနတို့အကြား ပိုမိုနီးကပ်စွာပူးပေါင်းဆောင်ရွက်ရေး၊ ရုရှားဖက်ဒရေးရှင်းနိုင်ငံ ရှေ့နေချုပ်ရုံးနှင့် ဥပဒေရေးရာဝန်ကြီးဌာနတို့အကြား ပူးပေါင်းဆောင်ရွက်ရေးစာချွန်လွှာကို လက်မှတ်ရေးထိုးနိုင်ခဲ့မှု၊ ရုရှားဖက်ဒရေးရှင်းနိုင်ငံတရားရေးဝန်ကြီးဌာနနှင့် မြန်မာနိုင်ငံ ဥပဒေရေးရာဝန်ကြီးဌာန တို့အကြား ဥပဒေရေးရာ ပူးပေါင်းဆောင်ရွက်ရေး စာချွန်လွှာကို လက်မှတ်ရေးထိုးနိုင်ခဲ့မှု၊ ရုရှား ဖက်ဒရေးရှင်းနိုင်ငံ ရှေ့နေချုပ်ရုံးနှင့် လက်မှတ်ရေး ထိုးခဲ့သည့် စာချွန်လွှာအရ ပူးပေါင်းဆောင်ရွက်မှု များကို အကောင်အထည်ဖော်ဆောင်နေမှု၊ နှစ်နိုင်ငံ ပူးပေါင်းဆောင်ရွက်မှုများကို ပိုမိုတိုးမြှင့်ရေး၊ ရုရှားဖက်ဒရေးရှင်းနိုင်ငံ ရှေ့နေချုပ်ရုံးအနေဖြင့်လည်း ဥပဒေရေးရာဝန်ကြီးဌာနနှင့် သင်တန်းကျောင်း ဆိုင်ရာကိစ္စရပ်များနှင့် အကြမ်းဖက်မှုနှိမ်နင်းခြင်းဆိုင်ရာကိစ္စရပ်များ ဆက်လက်ပူးပေါင်းဆောင်ရွက် ရေးဆိုင်ရာများကို ရင်းနှီးပွင့်လင်းစွာ အမြင်ချင်းဖလှယ်ဆွေးနွေးကြပြီး အမှတ်တရလက်ဆောင် ပစ္စည်းများ အပြန်အလှန်ပေးအပ်ကြသည်။

တွေ့ဆုံပွဲသို့ ပြည်ထောင်စုဝန်ကြီးနှင့်အတူ ဝန်ကြီးရုံးညွှန်ကြားရေးမှူးချုပ် ဒေါက်တာသီသီမြင့်၊ ဦးစီးဌာနများမှ ညွှန်ကြားရေးမှူးချုပ်များဖြစ်ကြသော ဒေါက်တာဆွေဆွေအောင်၊ ဒေါက်တာ သီတာစန်းနှင့် ဒေါ်ယုယုခင်တို့ တက်ရောက်ကြကြောင်း သိရသည်။


#MyanmarNationalPost

No comments:

Post a Comment

Donate and Support

Donate and Support

မြန်မာနေရှင်နယ်ပို့စ် သတင်းအေဂျင်စီ သည် အမျိုးသားရေးကို ဦးထိပ်ထားသည့် သတင်းမီဒီယာဖြစ်ပါသည်။ တိုင်းရင်းသား ပြည်သူများ သတင်းမှန်များ သိရှိစေရေးကိုသာ ဦးစားပေး ဆောင်ရွက်လျက်ရှိပါသည်။ မြန်မာနေရှင်နယ်ပို့စ်သို့ အနှောင်အဖွဲ့ကင်းစွာ ကူညီပံ့ပိုးနိုင်ပါသည်။

KBZ Pay - 09793975969 (U Nauing Win Tun)

Wave Pay - 09692366274 (U Naing Win Tun)