MNP ၊ ဇွန် ၂
ရခိုင်ပြည်နယ်၊ ဂွမြို့နယ်တွင် မြို့နယ်ကျန်းမာရေးဦးစီးဌာန (မိခင်ကလေး၊ ကျောင်းကျန်းမာ၊ အာဟာရဌာန)မှ တာဝန်ရှိသူများသည် ယမန်နေ့ နေ့လယ်ပိုင်းက အ.မ.က၊ ကင်းရုံး-၂ သို့ သွားရောက်ပြီး ကျောင်းကျန်းမာရေး အသိပညာပေးခြင်း လုပ်ငန်းများကို ဆောင်ရွက်ခဲ့ကြသည်။
ရှေးဦးစွာ မြို့နယ်ကျန်းမာရေးဦးစီးဌာနမှ သွားနှင့် ခံတွင်းဆိုင်ရာ Dr . ယဥ်ယဥ်ဝင်း ( ဦးစီးအရာရှိ ) က ကျောင်းသား၊ကျောင်းသူများကို သွားနှင့်ခံတွင်းအကြောင်း ကျန်းမာရေး သရုပ်ပြ ပညာပေးခြင်း၊(မိခင်ကလေး၊ ကျောင်းကျန်းမာ၊ အာဟာရဌာန)မှ ဦးစီးအရာရှိ ဒေါ်နီလာအေးက လက်သန့်ရှင်းရေးနှင့် လက်ဆေးနည်း သရုပ်ပြခြင်းနှင့် ဘက်စုံသားဖွားဆရာမ ဒေါ်မွန်မွန်အောင်က သန့်လေးသန့် အကြောင်း သရုပ်ပြပညာပေးခြင်းတို့ကို ဆောင်ရွက်ခဲ့ကြပြီး ကျန်းမာရေးစစ်ဆေးခြင်း လုပ်ငန်းများအား ဆက်လက်ဆောင်ရွက်ခဲ့ကြကြောင်း သိရသည်။
ရွှေရည်ဝင်းကျော်
https://t.me/MyanmarNationalPost
No comments:
Post a Comment