MNP ၊ မေ ၃၁
ရခိုင်ပြည်နယ်၊ ရသေ့တောင်မြို့နယ်အတွင်းမိုခါမုန်တိုင်းဒါဏ်ကြောင့်အပျက်အစီးများခဲ့ရာပြိုပျက်မှုများတွင်စာသင်ကျောင်းများလည်းပါဝင်သည်။ဇွန်လ(၁)ရက်နေ့တွင်အခြေခံပညာကျောင်းများဖွင့်လှစ်နိုင်ရေးအတွက်ပျက်စီးဆုံးရှုံးခဲ့သောမြို့ပေါ်ကျောင်းများအား ဌာနဆိုင်ရာဝန်ထမ်းများနှင့် ဆရာ၊ဆရာမများက ယနေ့မွန်းလွဲပိုင်းက စုပေါင်းသန့်ရှင်းရေးလုပ်အားပေးဆောင်ရွက်ခဲ့သည်။
ထိုသို့ဆောင်ရွက်ရာတွင်မိုခါမုန်တိုင်းလေဘေးဒဏ်ကြောင့် အမိုးလန်ပျက်စီးသွားသောအထက(၁)၊အထက(၂)၊အမက(၄)၊အမက(၆)စာသင်ကျောင်းတို့၌ ဌာနဆိုင်ရာဝန်ထမ်းများမှအဖွဲ့များခွဲ၍ စုပေါင်းသန့်ရှင်းရေးလုပ်အားပေးခြင်း၊ခုံစီခြင်းများဆောင်ရွက်ခဲ့ကြသည်။
ရသေ့တောင်မြို့နယ်တွင် အခြေခံပညာကျောင်းပေါင်း (၁၇၄ )ကျောင်းရှိရာမိုခါမုန်တိုင်းဒါဏ်ကြောင့်(၁၃၂)ကျောင်းပျက်စီးခဲ့ကြောင်း စာရင်းကောက်ယူမှုများအရသိရှိရပြီး ကျောင်းများ အချိန်မီဖွင့်လှစ်နိုင်ရန် ပညာရေးဌာနမှကြိုးပမ်းဆောင်ရွက်လျှက်ရှိကြောင်း တာဝန်ရှိသူထံမှသိရှိရသည်။
https://t.me/MyanmarNationalPost
No comments:
Post a Comment